42. De sancto Erasmo.

1. Ave, venerabilis

Erasme beate,
Praesul admirabilis,

Martyr honorate,
Heu, cum sim culpabilis,

Scutum pro me da te,
Aemuler te stabilis

Cursu vitae gratae.

2. Ave, qui gentilium

Confundis errorem
Collaudando omnium

Iesum redemptorem,
Meae mentis vitium

Et culpae foetorem
Tuum per suffragium

Fuga et favorem.

3. Ave tu, qui sanguine

Tuo laurearis,
Nam pro Christi nomine

Gladio mactans,
Fausto sublevamine

Precibusque claris
Illustra me lumine

Dei, quo laetaris.

4. Ave tu, qui fungeris

Meritis et signis,
Dei verba aperis

Dignis et indignis,
Adiuva, ne inferis

Socier malignis,
Sed convivam superis

In caelo benignis.

5. Ave, qui sideream

Intras regionem
Augens poli auream

Congregationem,
Evadam tartaream,

Fac, ut passionem
Et tecum aetheream

Intrem mansionem.