44. De sancto Gregorio.

1. Ave, gemma praesulum,

Gregori beate,
Exemplar et speculum

Vitae illibatae,
Cordis mei vasculum

Reple castitate,
Non per carnis vinculum

Liger voluptate.

2. Ave, caeli fistula,

O doctor Anglorum,
Caritatis facula,

Decens norma moram,
Ne me necet macula

Criminum meorum,
Placa per oracula

Principem polorum.

3. Ave, sancti spiritus

Organum iucundum,
Verbo tibi caelitus

Dato ditas mundum,
Rogo te medullitus,

Ut me infecundum
Deo reddas penitus

A peccatis mundum.

4. Ave, samme pontifex,

Qui Dei servorum
Servus es et opifex

Operum piorum,
Non me mille-artifex

Fraudet, dux malorum,
Sed sim verus sacrifex

In coetu iustorum.

5. Ave, fulgens saeculo

Stella matutina,
Omni datus populo

Hora vespertina,
Levans me de stabulo

Et culpae sentina
Caeli habitaculo

Angelis combina.