46. De sancto Hippolyto.

1. Ave, o Hippolyte,

Qui mundum vicisti
Martyrumque inclite

Palmam meruisti,
De peccati fomite

Liberans me tristi
Exorna me divite

Stola Iesu Christi.

2. Ave, qui gentilium

Fugisti errorem
Imitando omnium

Christum salvatorem,
Mentis meae vitium

Et culpae horrorem
Dele per suffragium

Tuum et favorem.

3. Ave, cruciamina

Qui fers propter Deum
Et multa discrimina

Imitando eum,
Ora, ne me sarcina

Culpae tradat reum,
Sed sumant me culmina

Caeli iubilaeum.

4. Ave, qui viriliter

Mortis suffers ictus,
Sic martyr salubriter

Factus es invictus,
Per culpas hostiliter

Cum sim, heu, devictus,
Non gemam flebiliter

A te derelictus.

5. Ave, cum martyribus

Qui es Iactabundus,
Iam cum sanctis omnibus

Honorat te mundus,
Piis praesta precibus,

Ne sim iam immundus,
Sed cum caeli civibus

Semper sim iucundas.