58. De sancta Lucia.

1. Ave, virgo nobilis

O Syracusana,
Lucia, immobilis

Quae stas fide sana,
Praesidis ignobilis

Dicta spernis vana,
Vulnus poenae labilis

Mente suffers plana.

2. Ave, ecce, nimium

Gravor sub peccato,
Opis praebe brachium

Milii desolato,
Contra omne vitium

Me nunc confortato,
Placa regem omnium

Interventu grato.

3. Ave, de mortalibus

Me solve peccatis
Et de venialibus

Saepe iteratis
Per te primis motibus

In me temperatis
Sic, ut sim in actibus

Dehinc pietatis.

4. Ave, me hic vivere

Da sine querela,
Modum, quo proficere

Valeam, revela,
Viam vitae pandere

Dignanter anhela,
Nam vult post te currere

Mea mens anhela.

5. Ave, de virtutibus

Ad montem virtutum
Me duc, ab obstantibus

Iter praesta tutum,
Cunctis impugnantibus

Me te offer scutum,
Iunge me caelestibus

Gloria indutum.