61. De s. Maria Aegyptiaca.

1. Ave, Aegyptiaca

O dulcis Maria,
Immundi ecliptica

Quae nutabas via,
De culpa me toxica

Sana prece pia,
Mea sors ut caelica

Fiat ierarchia.

2. Ave, quae de faecibus

Surgis voluptatis,
Te varietatibus

Ornans puritatis,
Ora, ut a gravibus

Abluar peccatis
Et dehinc in actibus

Vivam Deo gratis.

3. Ave, paenitentiae

Cura sumis lamenta,
Cunctis ad spem veniae,

Das incitamenta,
Tua prece gratiae

Confer fulcimenta,
Nam ad sortem gloriae

Mea mens est lenta.

4. Ave, quae angelicam

Vitam fers in mundo,
Vitam eremiticam

Dum fers corde mundo,
Ad te tam magnificam

Preces pias fundo,
Ad vitam me caelicam

Duc de culpae fundo.

5. Ave, quae ad gaudia

Festinas sanctorum,
Nam ad contubernia

Digne transis horum,
Tua per suffragia

In regno caelorum
Sabbato me socia

Tecum sabbatorum.