78. De sancto Stephano.

1. Ave, qui verbo et vita
Flores, Stephane levita,
Martyr primus legis novae,
Pia me virtute fove.

2. Ave, qui vincis Iudaeos,
Hostes per te vincam meos,
Carnemsaevam, stultum mundum
Atque Satanam immundum.

3. Ave, qui Christum vidisti,
Cum ad caelum respexisti;
Christum in caelis videre
Da mihi et congaudere.

4. Ave, qui oras pro hoste,
Ad tale me trahe post te,
Dulci semper fruar pace
Cum stulto et contumace.

5. Ave, saxis qui finiris,
A culpis me solve diris
Et deduc post vitae mortem
Tecum ad caelestem sortem.