84. De sancto Vincentio.

1. Ave, invictissime

Martyr et levita,
Vincenti sanctissime

Doctrina et vita,
Per te mens sit optime

Mea redimita
Et omni firmissime

Bono stabilita.

2. Ave, vincis omnia,

Dum vincis insanum
Per tormenta varia

Ducem Dacianum ;
Meum per inania

Cor effectum vanum
Effice per studia

Tua cito sanum.

3. Ave, qui eculeo,

Uncis cruentatus,
Praesidi vipereo

Ad vincendum datus,
Cruentum me video

Per multos reatus,
Assis velox ideo

Mei miseratus.

4. Ave, invicibilem

Qui vicisti Deum
Per affectum nobilem

Imitando eum,
Ad virtutem stabilem

Dirige cor meum,
Ut non per ignobilem

Fallar lebusaeum.

5. Ave, qui stridentibus

Ignibus iniectus
Speculum es omnibus

Virtutis effectus,
Hinc cum militantibus

Sit meus affectus,
Ut cum triumphantibus

Gaudeam electus.