85. De sancto Vito.

1. Ave, puer floride,

Vite, martyr clare,
Qui transisti provide

Huius mundi mare,
Menti meae morbidae

Adesse dignare,
Possim carnis luridae

Motus ut fugare.

2. Ave, cum industria

Agens iuventutem,
Mundi fugis dulcia

Currens ad virtutem,
Precibus flagitia,

Confer, ut refutem,
Ad aeternam socia

Me tibi salutem.

3. Ave, flos laetitiae,

Florens mundo flores,
Qui multos ecclesiae

Conducis ad fores,
Tua prece veniae

Mihi funde rores,
Ne unquam nequitiae

Sorbeam foetores.

4. Ave, qui victoria
Es ut leo fortis,
Vincis in Sicilia

Quando ducem mortis,
Ora, ne me vitia

Dent inferni portis,
Sed vivam in gloria
Comes tui sortis.

5. Ave, mea gloria,

Sancte puer Vite,
Qui vicisti omnia

Mala huius vitae,
Mea dele vitia,

Tota rogo vi te,
Dans, bibam in patria

Ut de vera vite.