Acta Francisci Pp. 113

morale et spiritale lucrum gentis fovit. Die XIX mensis Iulii anno MCMXXXVI

comprehensus est atque in vinculis detentus in ecclesia Sancti Ioannis de Deo

Murciae, quae in carcerem est mutata. Die II insequentis mensis Octobris ca-

pite damnatus est a quodam populari tribunali tantummodo quoniam sacerdos

fuit Christi ac strenuus catholicae fidei defensor. Multo mane die IV eiusdem

mensis, videlicet in die festo sancti Francisci Assisiensis, ad cuius Tertium

Ordinem Saecularem pertinebat iam a tempore quo fuit alumnus Seminarii,

ictibus manuballistae interfectus est in loco Espinardo, prope Murciam.

Martyrii fama horum fidei testium ab ecclesiali communitate suscepta

est, qua de causa annis MCMLXIII-MCMLXIV apud Curiam Carthaginensem in

Hispania peractus est Processus Ordinarius Informativus, cuius iuridicam

validitatem agnovit Congregatio de Causis Sanctorum.

Consultores Theologi in Congressu peculiari die XXV mensis Septembris

anno MMIX favens dederunt votum, atque Patres Cardinales et Episcopi, die

X mensis Novembris anno MMX in Sessione Ordinaria coadunati, agnoverunt

mortem eorum verum fuisse martyrium. Demum Veneratus Decessor Nos-

ter Benedictus XVI die X mensis Decembris anno MMX facultatem dedit ut

Congregatio de Causis Sanctorum Decretum de martyrio promulgaret. Nos

deinde, haec omnia probantes, statuimus ut sollemnis ritus beatificationis

Tarracone in Hispania die XIII mensis Octobris anno MMXIII celebraretur.

Hodie igitur Tarracone de mandato Nostro Venerabilis Frater Noster An-

gelus S.R.E. Cardinalis Amato, S.D.B., Praefectus Congregationis de Causis

Sanctorum, textum Litterarum Apostolicarum legit, quibus Nos Venerabiles

Servos Dei Antonium Faúndez López, presbyterum ex Ordine Fratrum Mi-

norum, et III Socios, martyres, in Beatorum numerum adscribimus:

Nos vota Fratrum Nostrorum Iesu García Burillo, Episcopi Abulen-

sis, Alfonsi Milián Sorribas, Episcopi Barbastrensis-Montisonensis, Aloi-

sii S.R.E. Cardinalis Martínez Sistach, Archiepiscopi Barcinonensis, Ma-

rii Iceta Gavicagogeascoa, Episcopi Flaviobrigensis, Iosephi Emmanuelis

Lorca Planes, Episcopi Carthaginensis in Hispania, Antonii Angeli Algora

Hernando, Episcopi Civitatis Regalensis, Demetrii Fernández González,

Episcopi Cordubensis, Iosephi Mariae Yanguas Sanz, Episcopi Conchensis,

Raimundi del Hoyo López, Episcopi Giennensis, Ioannis Piris Frígola, Epis-

copi Ilerdensis, Antonii Mariae S.R.E. Cardinalis Rouco Varela, Archiepisco-

pi Matritensis, Iesu Stephani Catalá Ibáñez, Episcopi Malacitani, Salvatoris

Giménez Valls, Episcopi Minoricensis, Attilani Rodríguez Martínez, Episcopi