Congregatio de Causis Sanctorum 169

sic uterque consobrinus, cognito malo facinore, statim e latibulis egressus

est et in manus magistratus se commendavit. Iste primum temptavit ut eos

suaderet christianam fidem relinquere; sed, utroque contumaciter recusante,

ad praefectum pagi Jeonju eos misit. Tamen etiam ante eum neuter fidem

suam amisit et nomina aliorum christifidelium divulgavit. Gubernatio enim,

hoc spatio interposito, per decretum sanxit ut christiana fides pro improbo

cultu haberetur eamque igne et ferro aboleri iussit. Uterque reprehensus

diligentissime et argumentis de sua fide se defendit. Paulus Yun praesertim

irrationabilitatem rituum antiquorum doctrinae Confucii prae catholicae

fidei cultu intento animo, notavit. Hac confutatione praefectus magis sae-

viit et summa severitate punire statuit utrumque et ad iudicium principis

demandavit. Iuvenis uterque hac etiam in extrema Calvarii statione sua in

fide firmissimus stetit. Rex autem utrumque capite damnavit.

Coreanae persecutionis atrocitates in odium fidei perpetratae sunt. Hoc

in ambitu veneno imbuto Coreani Regni summa vis contra catholicos et actus

occisionis Servi Dei et eius Sociorum evenerunt. Paulus et Iacobus e suis

cellis extracti sunt et iuxta urbis portam deducti. Uterque felix videbatur et

in itinere eos, qui aderant, de christiana doctrina non desinit instituere. Die

8 mensis Decembris anno 1791, scilicet die 13 mensis Novembris secundum

rationem loci fastorum lunae cursum computantem, uterque securi percussus

est, dum Iesu Christi Virginisque Mariae nomina invocabat.

Interfectio Pauli Yun Ji-Chung et Iacobi Kwon Sang-yeon unus est mul-

torum casuum atrocitatis, quibus auctoritates Coreanae terrebant populum,

ne religionem Christi amplectaret. Praecipua causa capitalis damnationis

Servi Dei eiusque Sociorum fuit fides in Christum. Testimonia etiam per-

secutorum summam animi tranquillitatem Pauli et Iacobi ante martyrium

ostendunt et amorem quem pro odio et persecutione reddiderunt.

Simili in vexationis tempestate, quamvis aliis temporibus, praeter duos

supradictos martyres alii CXXII Servi Dei interfecti sunt:

3. Petrus Won Si-Jang, natus anno 1732 in pago Hongju ( Chungcheong-

do), baptizatus est inter annos 1788 et 1789. Percussus est usque ad mortem

die 28 mensis Ianuarii anno 1793.

- Persecutio Eulmyonensis die 28 mensis Iunii anno 1795:

4. Paulus Yun Yu-Il, anno 1760 in pago Yeoju ( Geong gi-do) natus, anno

1780 sacro fonte lustratus est.