198 Acta Apostolicae Sedis - Commentarium Officiale

CIMBOTIENSIS

Beatificationis seu Declarationis Martyrii Servorum Dei Michaëlis Tomaszek et Sbignei Strzałkowski Presbyterorum ex Ordine Fratrum Minorum Conventualium atque Alexandri Dordi Presbyteri Dioecesani († 1991)

DECRETUM SUPER MARTYRIO

« Hanc terram [sc.: Peruviam] amavi atque eo amavi, ut commodius hic

valerem, quod demum in eo est, quantum scilicet quisque vocationem Do-

mini in seipso perficere appetit » (ex litteris Patris Michaëlis Tomaszek).

« Gratias ago propter preces, quibus perseveranter me sustinuisti, quae

vero peculiariter pro nostris tibi effundendae essent fratribus, qui hac in terra

vivunt, et pro vocationibus in loco » (ex litteris Patris Sbignei Strzałkowski).

« Perspectum sane habes duorum polonorum patrum mortem: verba au-

tem desunt mihi, quibus describam quomodo tanto scelere afficiamur ... Licet

nolentes, animo sponte cogitamus eum, qui proximus erit ... In manibus

autem Domini sumus: ora, ergo, quia dico mihi 'Spiritus promptus est, caro

autem infirma' » (ex litteris Reverendi Alexandri Dordi).

Verba haec ex litteris distincte Michaëlis Tomaszek, Sbignei Strzałkowski

et Alexandri Dordi, qui anno 1991 in Peruvia in odium fidei interempti sunt,

optime vehemens eorundem desiderium exprimunt operae in terra Peruviae

pro Evangelii nuntio ac bono hominum navandae, sese scilicet pro fratribus

omnino consecrandi, gratia suffultos Domini, qui ad tantam missionem eos

appellaverat, necnon ad effundendum pro illis sanguinem promptos.

Illis enim annis Peruviam aliasque nationes Americae Meridionalis seu

Latinae graves rei politicae discordiae percurrerant, quae Ecclesiam ipsam

haud infrequenter implicaverunt. Proelium armatum acerbissimum fuit, in-

numeris ferentariorum coetibus gestum contra milites exercitus regularis.

Ingentes sive ex populo fuerunt victimae sive ex turmis armigerorum sive

ex illis, qui diversas ob causas his conflictationibus se permiscuerant, sicuti

praesertim permulti e variis nationibus missionarii, qui caritatem suam erga

proximum vita expiaverunt.

Servorum Dei caedes vero ad tempestatem pertinet adiunctorum re-

rum politicae et socialis, quam religioni, praesertim christianae, maxime

infensam asseclae peculiarium opinionum omnem singulorum proprietatem

maxime denegantium pernoto significabant illo « Religio populorum opium ».