Congregatio de Causis Sanctorum 189

TUSCULANA

Beatificationis et Canonizationis Ven. Servae Dei Mariae Teresiae Casini Fundatricis

Instituti Sororum Oblatarum Sacratissimi Cordis Iesu (1864-1937)

DECRETUM SUPER MIRACULO

Venerabilis Serva Dei Maria Teresia Casini die 27 mensis Octobris anno

1864 Tusculi in Italia ex locupleti ac polita familia nata est. Vocationi

dominicae oboediens, ad vitam religiosam primum apud monasterium Cla-

rissarum in Urbe properavit, deinde apud ineuns, uti dicebatur, « Verarum

Amantium Sacratissimi Cordis Iesu » opus. Utroque propter causas ipsius

voluntatis alienas desito conatu, viginti tres annos nata Teresia novae fun-

dandae intendit operae, quae devotioni Cordis Iesu et spiritualitati repara-

tionis inniteretur et sacerdotum sanctificationem tamquam suipsius finem

haberet. Die 2 mensis Februarii anno 1894, Cryptoferratae cum mulieri-

bus sociis quibusdam claustrali silentio orationeque et reparationis prece

sustentae conversationi sub titulum Victimarum Sacratissimi Cordis Iesu

ad exposcendam super ministros Dei copiam sanctitatis initium dedit, cui

communitati, anno 1908, Episcopo Tusculano fovente variisque iam rese-

ratis apostolicis operibus, novum Oblatarum imposuit nomen. Anno 1910,

primam officinam pro filiabus populi instituendis inchoavit et, anno 1925,

collegia et scholas Parvulorum Amicorum Iesu aperuit, quae vivida fuerunt

fomites vocationum.

Mater Maria Teresia Casini anima fuit humilitatis excelsae, quae digres-

sum ex mundo omnino quaesivit et oboedientiam tamquam plenam adhesio-

nem divinae voluntati exercuit. Die 3 mensis Aprilis anno 1937, sanctitatis

fama circumfusa, pie in Domino quievit.

Summus Pontifex sanctus Ioannes Paulus II die 7 mensis Iulii anno

1997 eam virtutes theologales, cardinales iisque adnexas in modum heroum

coluisse decrevit.

Beatificationis respectu, Causae Postulatio iudicio huius Congregationis

de Causis Sanctorum assertam subiecit miram Venerabilis Servae Dei in-

tercessioni tributam pueri cuiusdam quinque annos nati pergravibus clini-

cis signis suffocationis demersionis causa sanationem, quae in Civitatibus

Foederatis Americae Septentrionalis occurrit. Vespere feriae quartae diei 25