Congregatio de Causis Sanctorum 195

VALENTINA

Beatificationis seu Declarationis Martyrii Servarum Dei Fideliae (in seeculo: Mariae Perdolentis Oller Angelats) et II Sociarum Religiosarum Professarum Instituti Sororum a Sancto Ioseph de Gerunda († 1936)

DECRETUM SUPER MARTYRIO

« Iustorum autem animae in manu Dei sunt et non tanget illos tormentum

mortis. [...] Etenim, si coram hominibus tormenta passi sunt, spes illorum

immortalitate plena est » ( Sap 3, 1.4).

Sicuti Sapiens ille Israelis profitetur, accersita mors Servarum Dei Fi-

deliae Oller Angelats, Iosephae Monrabal Montaner et Facundae Margenat

Rour, licet caedes mundo videri possit, coram throno Dei tamquam glo-

riosissima corona earundem adhaesionis Christo et Ecclesiae inscribitur.

Martyrium earum enim diris in persecutionis contra christifideles opprobriis

consummatum est, quae altera dimidia quarta vicesimi saeculi decade in

Hispania acriter saevierunt.

Quo civili bello flagrante, tres Servae Dei ex Instituto Sororum a Sancto

Ioseph de Gerunda tristibus in persecutionis et vehementiae angustiis illis

implicatae sunt et iam in decertationum primordiis vinculis captae ac dire

interfectae.

1. Serva Dei Fidelia (in saeculo: Maria Perdolens) Oller Angelats anno

1869 in vico Banyoles prope Gerundam orta est. Signis vocationis ad vi-

tam consecratam perceptis, anno 1902 vota religiosa perpetua professa est.

Sedulum pro infirmis laborem exercuit ac benignum. Anno 1927, Gandiam

prope Valentiam destinata est, ut Instituti domum fundaret pro aegrotis

ministrandis, cuius Moderatrix nominata est.

2. Serva Dei Iosepha Monrabal Montaner die 3 mensis Iulii anno 1901

Gandiae nata est. Inde ab adulescentia desiderio Soror fieri inflammata,

anno 1929, post mortem scilicet patris, qui eius admodum reluctatus erat

vocationem, communitatem Instituti ingressa est. Primis votis emissis, Vil-

lam Regalem prope Castaliam missa est, ut aegrotis assideret, et anno

1934 vota religiosa perpetua professa est. Ineunte bello, de Superiorissae

Generalis mandatu Gandiam apud larem rediit, ubi apud matrem suam

recepta est. Statim vero discrimen animadvertit, in quo sociam Sororem

Fideliam versabatur.