180 Acta Apostolicae Sedis - Commentarium Officiale

VICENTINA

Beatificationis et Canonizationis Servae Dei Elisabethae Tasca Serena Christifidelis

Laicae et Matrisfamilias (1899-1978)

DECRETUM SUPER VIRTUTIBUS

« Domi meae praeest Deus ».

Verba haec Elisabetha Tasca quoque coram discrimine dictitabat, quod ei

subicerent dies, testimonium sui ita voluntatis Domini omnibus in adiunctis

querendae praebens consilii.

Serva Dei in vico Sancti Zenoni Ecelinorum prope Vicetiam in Italia,

ultima ex septem filiis Angeli Tasca et Aloysiae Battaglia coniugum, orta est,

apud familiam sincera profundaque christiana fide informatam, cuius pater,

qui agricola erat, arva laborabat. Eadem natalicia die, scilicet 24 mensis

Aprilis anno 1899, ad baptismalem fontem ducta nomen accepit Paschae

Elisabethae. Infantiam degit et adulescentiam peculiaribus absque curis ac

serenam devincta domo et scholae, quam triennio frequentavit, et labori in

agris participationique vitae paroecialis. Die 26 mensis Ianuarii anno 1908,

sacramentum Confirmationis recepit. Eodem tempore, apta institutione re-

ligiosa imbuta est, de qua saepius familiarium conventuum et vespertinarum

lectionum reminiscebatur, cum pater eius partem Sacrae Scripturae legebat

atque enarrabat. Apud larem etiam coronam marialem precabatur.

Expleto primo totius mundi bello, anno 1921, Iosephum Serena cogno-

vit, qui eam postea poposcit uxorem. Post primam vero dubitationem de

matrimonio cum illo viro ineundo, Elisabetha, perardenter Beata Maria

Virgine invocata, iudicium fecit et die 6 mensis Aprilis eiusdem anni nup-

tias celebravit. Exinde, primum in vico Liedolo Sancti Zenonis vixit cum

marito, agros colens Comitum Canal, et cum fratre eiusdem Petro et muliere

Lucia, qui decem habebant liberos. Serva Dei ipsa tredecim paruit filios,

inter diem 28 mensis Ianuarii anno 1922 et diem 14 mensis Aprilis anno

1940 omnes Liedoli natos, quorum unus mortuus est adhuc in crepundiis,

duo Conventum ingressi sunt aliique duo religiosi e Congregatione Passionis

Iesu Christi facti.

Illis annis tamen Elisabetha magnopere tanti gravitatem laris passa est,

in quo socer autem tyrannice dominabatur et crucem suam reapse inve-