186 Acta Apostolicae Sedis - Commentarium Officiale

TOKYENSIS

Beatificationis et Canonizationis Servae Dei Elisabethae Mariae Satoko Kitahara Chris-

tifidelis Laicae (1929-1958)

DECRETUM SUPER VIRTUTIBUS

« Et exiens de navicula vidit turbam multam et misertus est eorum »

( Mt 14, 14).

Serva Dei Elisabetha Satoko Kitahara sensit in corde suo eadem, quae

et in Christo Iesu, et, expeditae vitae ablatis deliciis, semetipsam exinanivit

in similitudinem pauperum facta, quibus praecipue inserviit, ut dignitate

humana et christiana proficerent.

Serva Dei Tokyi in Iaponia die 22 mensis Augusti anno 1929 e locu-

pleti familia praecelsa humani cultus institutione optime informata nata

est: pater eius enim apud Universitatem Studiorum fuit professor variaque

in Institutis culturae provenhendae exercuit officia. Pueritiam sub aequo

lare degit oriundae shintoicae - uti dicitur - pietatis praeceptis instituta

cursumque studiorum suscepit. Indoles autem eius praetereuntibus annis

magna severitate meditationisque spiritu una et dulcedine quadam ac man-

suetudine emicuit.

Patria eius interdum in tragicis secundi totius mundi belli adiunctis

summa cum populi clade immiscebatur, quo nefasto intimius vulnerata Serva

Dei seipsam aliosque in opus refectionis rerum et morum summopere fovit.

Eodem tempore, studiis perfectis laureaque apud Institutum Superius

Mulierum de Medicina adepta, sublime christianae fidei magis in dies ani-

madvertere cepit, cui denique adhaerere decrevit, et die 30 mensis Octobris

anno 1949 in baptismo nomen Elisabetham sumpsit, addito dein in sacra-

mento Confirmationis, quod biduo post recepit, illo Mariae.

Ab anno 1950, patris Zenonis Zebrowski vocatu, religiosi ex Ordine

Fratrum Minorum Conventualium, qui cum sancto Maximiliano Kolbe vi-

cennio ante in Iaponiam adiit, in caritatis operibus admodum eniti incepit

atque aciem proprium apostolatus et opitulationis regionem urbis Tokyi

habuit, cui vulgo Arinomachi nomen seu Vici Formicarum, quia innumeri

illic egeni peregrini atque ab omnibus derelicti tamquam sub formicarum

tecto vivebant et per collationem iactuum ac commercium superesse con-