112 Acta Apostolicae Sedis - Commentarium Officiale

1. Antonius Faúndez López, presbyter professus Ordinis Fratrum Mino-

rum ex Provincia Carthaginensi in Hispania. Natus est in loco La Hiniesta,

provinciae et dioecesis Zamorensis, die XXIII mensis Iulii anno MCMVII. Deinde

die XV mensis Augusti anno MCMXXVIII professionem religiosam nuncupavit

atque die VIII mensis Februarii anno MCMXXXI sacerdotalem suscepit ordina-

tionem. Eximia humilitate et caritate institutionem futurorum clericorum

franciscalium in Collegio Seminario loci Cehegin curavit, ministerium exer-

cens praedicationis, confessionis et moderationis Iuventutis Antonianae.

Vespere die XI mensis Novembris anno MCMXXXVI milites venerunt ut eum

surriperent ac occiderunt eum manuballista in loco Bullas, prope Murciam.

2. Bonaventura Muñoz Martínez, religiosus professus Ordinis Fratrum

Minorum ex Provincia Carthaginensi in Hispania. Natus est in loco Santa

Cruz (Murciae) die VII mensis Decembris anno MCMXII. Vestem religiosam

induit anno MCMXXX et professionem perpetuam die XXIV mensis Ianuarii

anno MCMXXXV nuncupavit. Tempore persecutionis fuit alumnus theologiae,

ab omnibus dilectus ac aestimatus propter suas virtutes religiosas. Cum

apud propriam familiam confugisset ut vitam suam salvam faceret, a mili-

tibus apprehensus est, spectantibus eius fratribus et sorore, atque ad locum

martyrii est deductus. Interfectus est aurora die IV mensis Septembris anno

MCMXXXVI.

3. Petrus Sánchez Barba, sacerdos dioecesanus. Natus est in loco Llano

de Brujas (Murciae) die I mensis Iulii anno MDCCCXCV. Anno MCMXIX presbyter

ordinatus est, anno autem MCMXXXI parochus destinatus est paroeciae Sancti

Bartholomaei Murciae. Statim magno affectu suae paroeciae gentis est cir-

cumfusus, ubi varias laicorum associationes instituit, inter quas Actionem

Catholicam. Eminuit praedicatione, moderatione spiritus iuvenum atque sol-

licitudine de pauperibus et indigentibus. Nomen dedit Tertio Ordine Sancti

Francisci, cuius cingulum gloriose semper ferebat, mortificationem pauper-

tatemque mirabiliter exercebat. In paterna domo a militibus captus et ad

locum martyrii ductus, occisus est una cum fratre Bonaventura diluculo die

IV mensis Septembris anno MCMXXXVI.

4. Fulgentius Martínez García, sacerdos dioecesanus. Natus est in loco

Ribera de Molina (Murciae) die XIV mensis Augusti anno MCMXI. Die XV men-

sis Iunii anno MCMXXXV presbyter ordinatus est. Unum per annum officium

gerebat rectoris paroeciae in La Paca de Lorca (Murciae), ubi apostolatu suo