Congregatio de Causis Sanctorum 197

Gandiae summopere animum percussit, cum ipsa iis vera esset moderatrix

spiritualis et solacium.

Ob martyrii Servarum Dei famam, apud Curiam Archiepiscopalem Va-

lentinam a die 24 mensis Novembris anno 2001 ad diem 11 mensis Ianuarii

anno 2003 Inquisitio dioecesana celebrata est, cuius auctoritas et vis iuridica

ab hac Congregatione Decreto diei 28 mensis Martii anno 2003 probatae

sunt. Positione confecta, iuxta suetum morem, die 10 mensis Decembris anno

2013, Congressus Peculiaris Consultorum Theologorum factus est, in quo

prospero cum exitu disceptatum est an Servarum Dei mors verum martyrium

fuisset. Patres Cardinales et Episcopi in Sessione Ordinaria die 16 mensis

Decembris anno 2014 habita, cui egomet ipse, Angelus Cardinalis Amato

praefui, agnoverunt mortem supradictarum Servarum Dei ob fidelitatem

erga Christum et Ecclesiam confessam verum in odium fidei et religiosae

consecrationis martyrium fuisse.

De hisce omnibus rebus, referente subscripto Cardinale Praefecto, cer-

tior factus, Summus Pontifex Franciscus, vota Congregationis de Causis

Sanctorum excipiens rataque habens, hodierno die declaravit: Constare de

martyrio eiusque causa Servarum Dei Fideliae (in saeculo: Mariae Perdolentis)

Oller Angelats et duarum Sociarum ex Instituto Sororum a Sancto Ioseph de

Gerunda, in odium fìdei interfectarum, in casu et ad effectum de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 22 mensis Ianuarii a.D. 2015.

anGelus Card. amato, s.d.B. Praefectus

L. G S.

G marCellus BartoluCCi Archiep. tit. Mevaniensis, a Secretis