▾
Bonaventure of Bagnoregio, Sermones De Sanctis
⎗←→⎘
▾
DE SANCTO ANDREA APOSTOLO (30 Nov.).
DE SANCTO STEPHANO MARTYRE (26 Dec).
DE SANCTO IOANNE EVANGELISTA (27 Dec.).
DE SANCTA AGNETE VIRGINE ET MARTYRE (21 lan.).
DE SANCTO VINCENTIO MARTYRE (22. Iam).
DE SANCTA AGATHA VIRGINE ET MARTYRE (8 Febr.).
DE SANCTO MATHIA APOSTOLO (24 vel 2b Febr.).
DE SANCTO MARCO EVANGELISTA. (23 Apr.).
DE SS. PHILIPPO ET IACOBO APOSTOLIS (1 Maii).
DE TRANSLATIONE S. FRANCISCl (25 Maii).
DE NATIVITATE S. IOANNIS BAPTISTAE (24 Iunii).
DE SANCTIS APOSTOLIS PETRO ET PAULO (29 Iunii).
DE S LAURENTIO MARTYRE (10 Aug.).
DE S. BARTHOLOMAEO APOSTOLO (24 vel 28 Aug.).
DE S. PATRE NOSTRO FRANCISCO (4 Oct.).
Item, sermo Bonaventurae editus Parisius coram Universitate in domo Praedicatorum, quando festam beati Stephani venit in Dominica.
Audivimus de te, quod vir potens sis viribus; et milii ei purpuram et. coronam auream, primi Machabeorum decimo .
Verba sunt regis Alexandri ad Ionatham . strenuum, id est Christi, regis aeterni, ad beatum Stephanum , in quibus ostenditur stipendium militiae eius magnificum ab auctoritate donantis, ab idoneitate recipientis, a dignitate mercedis. Haec enim tria magnificant et extollunt praemium, scilicet quando magnum est et pretiosum in se, quando datur ei qui dignus est, quando datur ab eo cuius est praemiare. Primum notatur ibi: misit ei; secundum, ibi: Audivimus de te, quod vir potens sis viribus: tertium, ibi: coronam auream.
I. Circa primum nota, quod misit Christus, rex aeternus, militi suo, Protomartyri Stephano, et dedit coronam gloriosam sive honorificam, quam praeparavit sibi in aeterna praedestinatione; Isaiae sexagesimo secundo : Eris corona gloriae in manu Domini: hoc dicitur, quia praevisus fuit coronari secundum nomen suum.
Coronam speciosam, quam comparavit sibi in pia redemptione: Isaiae sexagesimo primo: Tanquam sponsam coronavit me corona.
Coronam pretiosam, quam repromisit sibi in sua vocatione: Proverbiorum decimo quarto : Corona rapientium, divitiae eorum, spirituales.
Coronam incorruptam sive sempiternam, quam custodivit sibi in multifaria tentatione: Apocalypsis secundo: Esto fidelis usque ad mortem, et dabo tibi coronam vitae.
II. Circa secnndum nota, quod dignum corona reddiderunt beatum Stephanum, scilicet quia fuit:
magnanimus in aggrediendo: non enim fuit corde pavido, sed per omnia confidens in Domino ; primi Machabaeorum secundo : Judas Machabaeus fortis viribus a iuventute sua sit vobis princeps militiae.
Patientissimus in sustinendo: non enim fuit vilis, sed per omnia virilis: Iacobi primo: Beatus, qui suffert tentationem, quoniam, cum probatus fuerit, accipiet coronam vitae. - Constantissimus in perseverando: non enim fuit arundo, sed columna firma ; Apocalypsis tertio: Tene quod habes, ut nemo accipiat coronam tuam.
Magnificus in triumphando; non enim succubuit, sed superavit: primi Paralipomenon vigesimo : Tulit David coronam Melchom de capite eius et posuit eam in capite suo etc.