▾
Bonaventure of Bagnoregio, Sermones De Sanctis
⎗←→⎘
▾
DE SANCTO ANDREA APOSTOLO (30 Nov.).
DE SANCTO STEPHANO MARTYRE (26 Dec).
DE SANCTO IOANNE EVANGELISTA (27 Dec.).
DE SANCTA AGNETE VIRGINE ET MARTYRE (21 lan.).
DE SANCTO VINCENTIO MARTYRE (22. Iam).
DE SANCTA AGATHA VIRGINE ET MARTYRE (8 Febr.).
DE SANCTO MATHIA APOSTOLO (24 vel 2b Febr.).
DE SANCTO MARCO EVANGELISTA. (23 Apr.).
DE SS. PHILIPPO ET IACOBO APOSTOLIS (1 Maii).
DE TRANSLATIONE S. FRANCISCl (25 Maii).
DE NATIVITATE S. IOANNIS BAPTISTAE (24 Iunii).
DE SANCTIS APOSTOLIS PETRO ET PAULO (29 Iunii).
DE S LAURENTIO MARTYRE (10 Aug.).
DE S. BARTHOLOMAEO APOSTOLO (24 vel 28 Aug.).
DE S. PATRE NOSTRO FRANCISCO (4 Oct.).
Item, sermo fratris Bonaventnrae coram populo apud Lugdunum, in festo beati Stephani.
Cum esset Stephanus plenus Spiritu sancto, intendens in caelum, vidit gloriam Dei et Iesum stantem a dextris Dei, Actuum septimo .
Secundum quatuor sui nominis interpretationes commendatur in verbis his beatus Stephanus, primo a plenitudine supercaelici doni, cum dicitur: plenus Spiritu sancto, et pro tanto Stephanus interpretatur regula ; secundo, a celsitudine intenti desiderii, cum dicitur: intendens in caelum, et pro tanto interpretatur speculans: tertio, a dulcedine interni animi, cum dicitur, quod vidit gloriam Dei, et pro tanto interpretatur coronatus: quarto, a rectitudine evangelici zeli, cum dicitur, quod vidit Iesum stantem a dextris Dei, virtutis Dei; et pro tanto interpretatur veridicam.
I. Quantum ad primum nota, quod plenitudo fidei per Spiritum sanctum consistit: in aspectu veritatis aelernae; Actuum sexto : Considerate viros ex vobis boni testimonii septem, plenos Spiritu sancto et sapientia, quos constituamus super hoc opus. Elegerunt Stephanum, virum plenum fide et Spiritu sancto.
In affectu pietatis evangelicae; Actuum undecimo: Barnabas hortabatur omnes in proposito cordis permanere in Domino, quia erat vir bonus et plenus Spiritu sancto et filie.
II. Circa secundum nota, quod celsitudo desiderii consistit: in luminosis contuilibus; Actuum decimo sexto : Quaedam mulier colens Deum audivit: cuius Dominus aperuit cor intendere his quae dicebantur a Paulo.
In amorosis excessibus; Iob vigesimo nono: Intenti tacebant ad consilium meum; et os suum aperiebant quasi ad imbrem serotinum.
III. Circa tertium nota, quod dulcedo animi consistit: in conciliatione inclinationis intrinsecae, quae consistit in perfectione intellectus per sapientiam Verbi et perfectione affectus per gratiam Spiritus sancti ; Ezechielis primo : Aperti sunt caeli, et vidi visiones Dei.
In expugnatione impugnationis extrinsecae, quae consistit in perfectione convictus, quod homo omnia sustineat, et perfectione status, quod omnes diligat; Ecclesiastici quadragesimo tertio: Species caeli, in visione gloriae.
IV. Circa quartum nota, quod rectitudo zeli consistit: in discretione scrutinii; Ecclesiastae decimo : Cor sapientis, in dextera eius.
In districtione indicii; Iob trigesimo: Ad dexteram orientis calamitates meae illico surrexerunt.