QUAESTIO IV.

Utrum institutio Baptismi evacuaverit Circumcisionem ?

Alens. 4. p . q. 7. m. 9. D. Thom. ibid. q. 10. et 3. p. q . 66. art. 2. D. Bonav. hic 2. p . a . 3. q . I. et 2. Richard. d. I. art. 6. q. 4. et hic a. 5. q. 2. et 3. Aureol. q. 4. Rubion. q. 5. Gabr. d. I. q. 4. et hic q. 4. art. 3. Dur. q. 6. Palud. q. 6. a . 5. Major. q. 2. Soto lib. 5. de justitia, q. 5. art. 4. ad 3. Suar. tom. 3. in 3. p . disp. 31. Scot. inOxon . hic quaest. 4.

Quaero de institutione Baptismi in comparatione ad Circumcisionem : Utrum institutio Baptismi evacuabal Circumcisionem ? Arguitur quod non. Matth. 5. Non veni solvere legem, sed adimplere. Circumcisio erat praeceptum in lege; ergo Christus eam non destruxit, sed implevit ; ergo instituendo Baptismum, non revocavit Circumcisionem.

Item, Genes. 1. Circumcisio fuit data Abrahae in foedus sempiternum ; foedus sempiternum revocari non potuit, quia tunc non esset sempiternum ; ergo nec Circumcisio.

Item, nullus inferior habet auctoritatem revocandi legem institutam a superiori ; sed Deus instituens legem Mosaicam, praecepit Circumcisionem ; ergo non potest ab aliquo inferiori revocari.

Nec legitur ubi Christus eam revocaverit, imo ipse confirmando illam, opus Circumcisionis in semetipso suscepit ; in fine etiam vitae, et in die caenae comedit agnum Paschalem cum discipulis suis, quod fuit illius legis ; ergo nec a discipulis, nec ab aliquo inferiori potuerunt haec revocari.

Contra, Joann. 3. Nisi quis renatus fuerit ex aqua et Spiritu sancto, etc. Sed non prohibetur ab aliquo introitus regni Dei de necessitate, nisi propter peccatum originale, quia beata Virgo, beatus Joannes Baptista, etc. nunquam habuerunt peccatum actuale mortale ; ergo Baptismus tunc ordinatur ut remedium contra illud peccatum.

Item, duo remedia sufficientia non fuerunt ordinata, nec sunt contra idem peccatum, vel contra eamdem infirmitatem ; ergo cum Baptismus fuit tunc remedium sufficiens contra illud peccatum, sicut et modo, quia ex quo institutus est semper erat aequalis virtutis ; ergo Circumcisio ab illo tempore cessavit, si enim fuisset postea remedium, ad nihil fuisset necessarium, nisi ad peccatum originale expellendum.

Item, ad Galat. 5. Si circumcidimini, Christus nihil vobis prodest