168 Acta Apostolicae Sedis - Commentarium Officiale

ACTA CONGREGATIONUM

CONGREGATIO DE CAUSIS SANCTORUM

MASANENSIS et ALIARUM

Beatificationis seu Declarationis Martyrii Servorum Dei Pauli Yun Ji-Chung Christi- fidelis Laici et CXXIII Sociorum († 1791-1888)

DECRETUM SUPER MARTYRIO

« Quamvis eorum corpora cruore manarent, ne flebiles gemitus quidem

se profundere. Fidem repudiare omnino recusaverunt [...]. Ferro mori pro

Deo summum honorem dixerunt ».

Haec verba a praefecto loci, qui Servos Dei Paulum Yun Ji-Chung et

Iacobum Kwon Sang-yeon capite damnavit, scripta efficacissimum testimo-

nium evangelicae fortitudinis sunt, quae duo martyres in persecutione et

in obitu denotavit. Similia testimonia etiam ceterorum CXXII Coreanorum

Servorum Dei martyrium comitata sunt, qui variis in locis et fere centum

per annorum spatium sanguinem propter fidem in Christum profundere.

1. 2. Servus Dei Paulus Yun Ji-Chung anno 1759, nobili et clara familia,

pagi v.d. Janggu-dong, in territorio Jinsan natus est. Intellegens et alacer

iam e pueritia ad studia se tradidit. E quodam consobrino de fide christiana

notitiam habuit, quare aliquos libros studio legere incepit, e quibus firma sen-

tentiam maturavit et statim iter conversionis incepit. Anno 1787 sacro fonte

lustratus est et nomen Pauli suscepit. Postea christiana de fide cum matre

et fratre Francisco et consobrino Iacobo Kwon Sang-yeon collocutus esset

necessitatem et propositum omnibus Evangelium divulgandi magis intellexit.

Anno 1790 Pekinensis Episcopus per decretum prohibuit quin primigenii

ritus celebrarentur, atque Paulus antiquas tabulas cultus animarum incendit.

Hac re iuxta regem invisus fuit. Praefectus terrae Jinsan mandatum habuit

deprehendendi eum una cum consobrino. Duo latitaverunt, sed praefectus,

ulciscendi cupiditate, iussit ut patruus eorum in vicem deprehenderetur;