182 Acta Apostolicae Sedis - Commentarium Officiale

Reconciliationis a parocho recepit et ad vesperum Unctionem Infirmorum

e manibus Patris Galilaei filii sui. Peculiari fervore vixit consecutum festum

Omnium Sanctorum et die 3 mensis Novembris anno 1978 pie in Domino

quievit. Post mortem, sicut ipsa Elisabetha petivit, filii Te Deum cecinerunt,

ut Deo gratias pro tantis acceptis donis redderent.

Ob sanctitatis famam, Causa Beatificationis et Canonizationis apud

Curiam Episcopalem Vicentinam inita est per celebrationem Inquisitionis

dioecesanae a die 7 mensis Martii ad diem 23 mensis Novembris anno 1992,

cuius auctoritas et vis iuridica ab hac Congregatione de Causis Sanctorum

primum die 1 mensis Octobris anno 1993 probatae sunt. Positione confec-

ta, die 20 mensis Iunii anno 2009 et die 21 mensis Ianuarii anno 2010 in

Congressibus Peculiaribus Consultorum Theologorum prospero cum exitu

disceptatum est, iuxta consuetudinem, an Serva Dei more heroum virtutes

christianas exercuisset. Patres Cardinales et Episcopi in Sessione Ordinaria

diei 18 mensis Novembris anno 2014, cui egomet ipse Angelus Cardinalis

Amato praefui, professi sunt Servam Dei virtutes theologales, cardinales

iisque adnexas in modum heroum exercuisse.

Facta demum de hisce omnibus rebus Summo Pontifici Francisco per

infrascriptum Cardinalem Praefectum accurata relatione, Sanctitas Sua vota

Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate

tum in Deum tum in proximum, necnon de cardinalibus Prudentia, Iusti-

tia, Temperantia et Fortitudine iisque adnexis in gradu heroico Servae Dei

Elisabethae Tasca Serena, Christifidelis Laicae et Matrisfamilias, in casu et

ad effectum de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 6 mensis Decembris a.D. 2014.

anGelus Card. amato, s.d.B. Praefectus

L. G S.

G marCellus BartoluCCi Archiep. tit. Mevaniensis, a Secretis