Congregatio de Causis Sanctorum 183

COCHABAMBENSIS

Beatificationis et Canonizationis Servae Dei Virginiae Blanco Tardío Christifidelis

Laicae (1916-1990)

DECRETUM SUPER VIRTUTIBUS

« De cetero, fratres, gaudete, perfecti estote, exhortamini, idem sapite,

pacem habete, et Deus pacis et dilectionis erit vobiscum » ( 2 Cor 13, 11).

In vita et spiritualitate Servae Dei Virginiae Blanco Tardío haec verba

Apostoli singulari exemplo redundant. Illa mulier laica fuit, Christo et eius

Ecclesiae fidelis, omnino Evangelii divulgationi, pauperum et infirmorum

ministerio necnon hominum dignitatis promotioni dedita, per iter spirituale

quo mulierum perspicuum munus suis cum propriis virtutibus servabatur.

Haec Dei Famula die 18 mensis Aprilis anno 1916 in urbe v.d. Cocha-

bamba in Bolivia secunda e quattuor filiarum nata, eximio loco exorta est

firmam humanam et religiosam iam a pueritia institutionem habuit, quam

postea alumna in schola Hiberna Ancillarum Sacri Cordis Iesu auxit et

confirmavit. Illis in annis clare religiosae vocationis signa percepit, quibus

tamen fragili valetudine obsecundare non potuit. Tenax et firma fuit in

adhaesione Actioni Catholicae, consociatio fidei et moralis christianae valde

propugnatrix, Virginia enim hoc in sodalitio fere omnes virtute et operibus

praecellens, sectioni iuvenili et mulierum praesedit. Cum huic officio fere

totam vitam consecrasset, a Summo Pontifice Pio XII appellata est "Apos-

tola Actionis Catholicae".

Serva Dei summo studio et alacritate Evangelium populo tam lingua

Hispanica quam Quechuensi, tam ruri quam in oppidis evulgabat. Amplius

quadraginta annos christianam doctrinam docuit iuxta aliquas scholas, exi-

mia virtute in instituendo et in docendo, saepe politicis in condicionibus

adversis: enim eo tempore floruere partes Francomurariorum et Liberales,

una cum sectatoribus Caroli Marx machinantes, quibus sacerdotes maxime

invisi erant et, ut docerent publicis in scholis, interdicti sicut et laici ca-

tholici. Neglectis politicis oppositionibus, Virginia omnium benevolentiam

et reverentiam comitate et liberalitate captavit et ipsi collegae docentes et

alumni eam valde diligebant. Serva Dei iis de quaestionibus personalibus

praecepta suppeditabat etiam praeter tempus scholae, praebens certum