184 Acta Apostolicae Sedis - Commentarium Officiale

iter christianae institutionis. Eodem modo magnam humanitatem habuit

in quaestionem socialem, multas operas beneficentiae pro debilioribus po-

puli fundavit et maxime infirmis auxiliata est per ministerium, cui secum

aliquas mulieres valde peritas in disciplinis medicis traxit. Ad has operas

sustinendas ipsa Virginia sumptibus suis contulit et constanter subsidia,

formicae industria, collegit.

Opera eius magis fulgescit in sociali condicione illius Americae Meridio-

nalis regionis, in qua, quamvis rerum perturbationes et conversiones una

cum politicis propositis essent arcte coniunctae tamen paupertas, mortalitas,

ignorantia, miseria diffundebantur gravi in oppositione cum divitiore ordine

sociali, qui luxui et sumptibus profusis indulgebant.

His in difficillimis adiunctis, Virginia amore et sollertia vitae propositum

secuta est, radicata in fide, in cotidiana Verbi Dei auditione, quas ardenti

oratione et fervida Eucharistica participatione corroborabat. Singularem

devotionem erga Cor Iesu et Virginem Mariam Serva Dei animo suo sem-

per custodivit et profundum desiderium contemplationis, quibus actionem,

Evangelii evulgationem et socialem populi emendationem sapienter mode-

rata est. « Cum esset dives » (cfr 2 Cor 8, 9), vixit in participatione rerum

materialium et spiritualium pro fratrum ministerio, mirabili sensu sapientis

caritatis, indefesso exercitio virtutum, summa aequitate iudicii, leni ac serena

fortitudine uti didicit. Regimen vitae eius semper continentia et exemplo

regebatur atque publicis in laudationibus virtutum operarumque suarum

veram et firmam humilitatem servabat.

Decurrentibus annis videndi sensus et vires eo magis deminuebant. Virgi-

nia die 23 mensis Iulii anni 1990 mortali e vita pie migravit. Eius exsequiis

hominum omni dignitate et sociali gradu multitudo, quae magnanimitatem

et benignitatem Servae Dei cognoverat, interfuit.

Fama sanctitatis a die 30 mensis Ianuarii anno 2001 ad diem 16 mensis

Ianuarii anno 2005 iuxta Curiam Cochabambensem Inquisitio dioecesa-

na celebrata est, cuius iuridica validitas ab hac Congregatione de Causis

Sanctorum per Decretum diei 19 mensis Ianuarii anno 2007 est approbata.

Exarata Positione, secundum normas disceptatum est an Serva Dei heroico

in gradu virtutes excoluisset. Positivo cum exitu, die 5 mensis Iunii anni

2014 Peculiaris Consultorum Theologorum Congressus habitus est. Patres

Cardinales et Episcopi Ordinaria in Sessione diei 16 mensis Decembris

anni 2014 congregati, me Angelo Cardinale Amato praesidente, Servam