Congregatio de Causis Sanctorum 191

2009 Inquisitio dioecesana celebrata est, cuius auctoritas et vis iuridica a

Congregatione de Causis Sanctorum Decreto diei 5 mensis Februarii anno

2010 probatae sunt. Acta dein collecta examini et iudicio Dicasterii Medi-

corum Collegii subiecta sunt, quod in Sessione diei 22 mensis Maii anno

2014 sanationem rapidam, completam et duraturam, necnon inexplicabilem

secundum hodiernam scientiam medicam fuisse affirmavit. Die 20 mensis

Novembris anno 2014, Congressus Peculiaris Consultorum Theologorum

prospero cum exitu factus est ac, die 20 mensis Ianuarii anno 2015, Sessio

Ordinaria Patrum Cardinalium et Episcoporum, cui egomet ipse Angelus

Cardinalis Amato praefui, et in utroque coetu sive Consultorum sive Car-

dinalium et Episcoporum, posito dubio an de miraculo divinitus patrato

constaret, responsum affirmativum prolatum est.

Facta demum de hisce omnibus rebus Summo Pontifici Francisco per

subscriptum Cardinalem Praefectum accurata relatione, Sanctitas Sua vota

Congregationis de Causis Sanctorum excipiens rataque habens, hodierno die

declaravit: Constare de miraculo a Deo patrato per intercessionem Venerabilis

Servae Dei Mariae Teresiae Casini, Fundatricis Instituti Sororum Oblatarum

Sacratissimi Cordis Iesu, videlicet de celeri, perfecta ac constanti sanatione

pueri cuiusdam a « coma post-anossico da prolungato annegamento e arresto

cardiorespiratorio ».

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 22 mensis Ianuarii a.D. 2015.

anGelus Card. amato, s.d.B. Praefectus

L. G S.

G marCellus BartoluCCi Archiep. tit. Mevaniensis, a Secretis