Congregatio de Causis Sanctorum 193

orationem e cotidianam participationem Sanctae Missae, semetipsum ad

sanctitatem vocatum agnovit atque concordiae et pacis promotor devenit

intra fines sui pagi.

Honestate praeclarus, a multis amore prosecutus est; invisus autem

fuit nonnullis hominibus crimini addictis. Ultimis diebus mensis Ianuarii,

anni 1990, coram publico comitatu pagi, Servus Dei repugnationem suam,

conscientiae et fidelitatis Christi mandatis causa, professus est contra ar-

tem magicam, quapropter tributum renuit se collaturum. Propter publicam

suam protestationem fuit ergo capite damnatus. Coniuratio igitur in facinus

facta est et vespere diei 2 mensis Februarii anno 1990 iniqui hostes eum

in insidias traxerunt et interfecerunt. Ante necem Servus Dei carnifices

rogavit, ut in oratione ipse consistere posset, et, saevientibus illis in eum,

precem usque ad extremum spatium vitae prosecutus est.

Exsequiae, insequenti die 10 mensis Februarii apud ecclesiam paroe-

cialem loci vulgo Nweli celebratae fuerunt, atque plene ac prompte confir-

maverunt mortem eius verum martyrium protinus censendum esse. Fama

martyrii per totam regionem Sibasensem incessit et omnibus annis anniver-

sarium caedis devota ad Servi Dei sepulcrum peregrinatione commemoratur.

Haec martyrii fama, apud Curias Episcopales Tzaneensem et Salopien-

sem, necnon Archiepiscopales Dublinensem et Birminghamiensem a die 15

mensis Aprilis ad diem 30 mensis Iunii anno 2009 Inquisitio dioecesana

celebrata est, cuius auctoritas et vis iuridica ab hac Congregatione de Cau-

sis Sanctorum Decreto diei 5 mensis Novembris anno 2010 probatae sunt.

Positione confecta, iuxta suetum morem, die 9 mensis Octobris anno 2014,

Congressus Peculiaris Consultorum Theologorum factus est, in quo prospero

cum exitu disceptatum est an Servi Dei mors verum martyrium fuisset.

Patres Cardinales et Episcopi in Sessione Ordinaria die 13 mensis Ianuarii

anno 2015 habita, cui ipse Angelus Card. Amato praefui, agnoverunt mor-

tem Servi Dei ob fidelitatem erga Christum et Ecclesiam exhibitam verum

in odium fidei martyrium fuisse.

De hisce omnibus rebus, referente subscripto Cardinale Praefecto, Sum-

mus Pontifex Franciscus certior factus est atque vota Congregationis de

Causis Sanctorum excipiens rata habuit et hodierno die declaravit: Con-

stare de martyrio eiusque causa Servi Dei Tshimangadzo Samuelis Benedicti

Daswa (Bakali), Christifidelis Laici et Patrisfamilias, in casu et ad ejfectum

de quo agitur.