Sermo II .

In conspectu Angelorum psallam tibi .

Hic Psalmista duo nobis innuit: divinum obsequium: psallam tibi: et obsequendi modum: In conspectu Angelorum.

I. Sed notandum est, quod psallere debemus in psalterio decem chordarum , quae sunt exhibitio reverentiae respectu Patris omnipotentis, observatio verecuniliae respectu Filii omniscienlis, ponderatio bonitatis respectu Spiritus sancti benevolenlis. Has chordas amiserat qui dixit: Pater, peccavi in caelum, scilicet Trinitatis, ex irreverentia, inverecundia, ex imponderatione bonitatis divinae. Reliquae chordae sunt: fidei valetudo, spei certitudo, cantoris latitudo, prudentias discretio, iustitiae compensatio (?), temperantiae sanctimonia, fortitudinis constantia. De his decem dicitur: In psalterio decem chordarum pallam tibi, quae sunt, ut dictum est, cultus beatas Trinitatis cum septem virtutibus, tribus theologicis et quatuor cardinalibus. In his enim consistit divinum obsequium, de quo in themate dicitur: psallam tibi.

II. Sequitur de secundo: In conspectu Angelo-,rum, in quo innuitur modus. Nam dicit Glossa super hunc locum : " Quibus aequari sicut nunc laude, ita post dignitate, exspecto ". Notandum autem, quod psallere (debemus) Domino laudando ipsum in virtutibus eius, id est Angelis, propter gloriosam ipsorum sublimationem, propter caritativam dilectionem, propter sollicitam subventionem.

De primo, Daniel : Millia, millium ministrabant ei, et decies millies centena millia assistebant ei. Est autem eorum sublimatio (gloriosa), quia Deo propinqua, quia continua, quia aperta, quia perfecta. De his quatuor, Matthaei decimo octavo: Angeli eorum in coetis semper vident faciem Patris mei, qui in caelis est. Est ergo eorum sublimatio propinqua, quia intellectualis: continua, quia semper: aperta, quia vident: perfecta, quia faciem Patris, non quidem per speculum in aenigmate, sed facie ad faciem.

De caritativa dilectione, Lucas : Gaudium erit coram Angelis Dei super uno peccatore poenitenlium agente etc. Licet autem diligant salutem (omnium) hominum, tamen specialiter diligunt humiles, bono studio invigilantes, munditiam servantes, in tribulatione patientes. - De primo, Matlhaeus: Videte, ne contemnatis unum ex his pusillis: dico enim vobis, quia Angeli eorum etc., id est Angeli ad eorum custodiam deputati. Hinc etiam Angelus apparuit Agar, docens ipsam humilitatem : Revertere, inquit, ad dominam tuam et humiliare sub manu illius.

Argumentum de secundo est Lucae secundo, cum apparuit Angelus pastoribus vigilantibus super gregem suum. - Argumentum de tertio, Lucae primo, quia apparuit Angelus beatae Virgini. - Argumentum de quarto, in Daniele , cum descendit Angelus Domini cum Azaria et sociis eius in fornacem etc., et Habacuc ad Danielem in lacum leonum adduxit: item, in Actibus Apostolorum: Angelus Domini astitit, et lumen refulsit in habitaculo carceris etc.

De sollicita subventione notandum, quod nobis subveniunt: nos erudiendo, protegendo, promovendo,

et hoc secundum distinctionem triplicis hierarchiae. De prima enim hierarchia Seraphim nos informant caritate: Cherubim, scientiae virtnte; Throni, iustitiae aequitate; primum principaliter respicit Religiosos vel contemplantes: secundum, (praedicatores) vel docentes: tertium, praelatos vel iudicantes. De his per figuram dicitur in Genesi : Vidit Jacob scalam et Angelos ascendentes, scilicet per Dei contemplationem, et descendentes, per nostram informationem. - De secunda hierarchia Dominationes nos protegunt contra ardorem carnalis concupiscentiae, ut nobismetipsis dominemur: Principatus, contra amorem temporalis affluentiae, ut Deum praeponamus: Potestates, contra calliditatem diabolicae versutiae, ne ab ipsa decipiamur. Hinc dicitur per Zachariam: Circumdabo domum meam ex his qui militant mihi, euntes, per administrationem, et revertentes, per contemplationem: Psalmus: Angelis suis mandavit de te, ut custodiant te in omnibus viis tuis.

De tertia hierarchia promovent nos Virtutes, ut per mundi contemptum faciamus mirabilia: Ecclesiasticus : Beatus dives, qui inventus est sine macula etc. Fecit enim mirabilia in vita sua: Archangeli, ut impleamus bona opera: Angeli, ut vitemus mala: Isaias: Ite, Angeli veloces, ad gentem convulsam, per avaritiam, et dilaceratam, per invidiam, ad populum terribilem, per iracundiam, post quem non est alius, per superbiam, conculcatam, per accidiam, cuius diripuerunt flumina terram eius, per luxuriam. Ab his vitiis Angelorum auxilio eripimur.

Sic igitur angelici spiritus nobis subveniunt erudiendo ad acquirendam sapientiam: protegendo, ad obtinendam victoriam: promovendo, ad habendam gratiam, et per consequens perducendo ad gloriam . Lucas: Factum est, ut moreretur Lazarus et portaretur ab Angelis in sinum Abrahae.