Congregatio de Causis Sanctorum 199

Exinde, profanationes contumeliaeque et inuriae mox in vim ac terrorem

decesserunt. Firma enim armatorum voluntas omnes erat excipere eos, qui

in nomine Christi et Ecclesiae eius egentissimis subvenirent, inprimis sacer-

dotes et religiosos, in quos crimen intendebatur animos populi resipiendi

eosque a summis seditionis inceptis auferendi. Ex armigerorum coetibus

infestissimus ille fuit nomine 'Semitae Fulgentis' nuncupatus, sententiis

omnino innisus philosophorum, qui Ecclesiam adusque abolere contende-

bant et summam rei publicae fovebant licentiam.

His in adiunctis, anno 1991, Servi Dei intra fines dioecesis Cimbotiensis

necem occubuerunt, scilicet Michaël Tomaszek et Sbigneus Strzałkowski die

9 mensis Augusti in vico Pariacoto atque Alexander Dordi die 25 mensis

Augusti prope vicum Rinconadam, dum Vintiis rediebat, qui ab armigeris

seditiosis membris coetus 'Semitae Fulgentis' interfecti sunt.

Servi Dei Michaël Tomaszek et Sbigneus Strzałkowski presbyteri fuerunt

ex Ordine Fratrum Minorum Conventualium, Servus Dei Alexander Dordi

autem presbyter dioecesanus.

Frater Michaël, ortus die 23 mensis Septembris anno 1960 in loco Le-

kawica inter Poloniae fines, patre adhuc puer orbatus, signis vocationis

ad vitam consecratam perceptis, anno 1981 prima vota religiosa emisit,

anno 1985 vota perpetua professus est et die 23 mensis Maii anno 1987

presbyteratu auctus.

Frater Sbigneus, Polonus natione, die 22 mensis Iulii anno 1958 Tarno-

viae ortus, anno 1980 prima vota religiosa emisit, anno 1984 vota perpetua

professus est et die 7 mensis Iunii anno 1986 presbyter ordinatus.

Reverendus Dominus Alexander, die 22 mensis Ianuarii anno 1931 in

pago Gandellino prope Bergomum natus et die 12 mensis Iunii anno 1954

presbyteratu auctus, ministerium pastorale multos apud locos exercuit, prae-

sertim in Rhodigiana paeninsula atque in civitate Le Locle in Helvetia inter

italicos migrantes, ubi operarii munera etiam expertus est.

Fratres duo sancti Francisci paucis post annis ministerii in patria exerciti

ad missiones profecti sunt: homines fidei fuerunt profundae, spiritualitatis

simplicis et parcae pastoralis actuositatis, orationis deditae atque summae

Evangelii nuntiandi subsidiique populo praestandi sollicitudinis; eorum

autem quisque dotes virtutesque etiam exhibuit proprias: Frater Michaël

peculiari studio iuvenibus puerisque attendit, ad hoc de re musica optime

informatus; Frater Sbigneus eximia rerum disponendarum imbutus virtute,