200 Acta Apostolicae Sedis - Commentarium Officiale

naturam summopere dilexit; Reverendus Dominus Alexander ipse demum

uti sacerdos fidei donum in Americam Meridionalem se contulit atque omni

ope et cura in humanum christianumque pauperrimorum societatis loci or-

dinum profectum incubuit.

Die 9 mensis Augusti, post Eucharistiae celebrationem armigeri Fratres

Michaelëm et Sbigneum vi compulerunt, ut e Conventu exirent, et, ad Mu-

nicipium Pariacotiense seiunctim abductos, una cum Sorore quadam super

raedas automatarias missionis imposuerunt. Aliquanto viae permenso spatio,

Sorore e vehiculo demissa, ambos advexerunt in locum quemdam prope

coemeterium, 'Populum Vetus' nuncupatum, ubi Michaelëm ictu ad cervicem

illato et Sbigneum umero et capite vulneratis plumbis transfodierunt et cum

iis syndicus eiusdem vici interemptus est. Paucis post diebus, Reverendus

Dominus Alexander, qui a prima nece iam surripiebatur, super viam quae

a Sancta ad Vintios ducebat apprehensus, protinus plumbis interfectus est.

Eorundem causa facinoris, quod immo sine falso insimulati criminis iu-

dicio tunc temporis perusitato patratum est, statum fuit religiosorum atque

apostolatum presbyterorum. Summa tamen eorum aequitas fuit animi coram

martyrio, quod si subitum devenit, non autem inopinatum. Omnes revera

admodum conscii erant infesti caeli in nubes circa eos crassantis, neque

eo setius vero paroecias suas reliquerunt. Fratres enim duo Conventuales,

antequam ab armigeris ablati sunt, postulantes recipere curaverunt et dein

ad carnifices sese prodiderunt. Etiam Reverendus Dominus Alexander, licet

infirmae esset valetudinis, in sede sua stetit et sub ipsa morte verba pietatis

pro interfectoribus renuntiavit.

Ob Servorum Dei famam martyrii, quae in communitatem ecclesialem

permanavit, apud Curiam Episcopalem Cimbotiensem a die 9 mensis Augusti

anno 1996 ad diem 25 mensis Augusti anno 2002 Inquisitio dioecesana ce-

lebrata est una cum Inquisitionibus Rogatorialibus apud Curiam Archiepis-

copalem Cracoviensem pro duobus Fratribus Minoribus Conventualibus et

apud Curiam Episcopalem Bergomensem pro sacerdote dioecesano, quarum

auctoritas et vis iuridica a Congregatione de Causis Sanctorum Decreto diei

24 mensis Octobris anno 2003 probatae sunt.

Positione confecta, iuxta suetum morem, die 14 mensis Novembris anno

2013 et die 29 mensis Aprilis anno 2014, Congressus Peculiares Consultorum

Theologorum facti sunt, in quibus prospero cum exitu disceptatum est an

Servorum Dei mors verum martyrium fuisset.