QUAESTIO UNICA.

Utrum cuilibet Sacerdoti in susceptione Ordinis sacerdotalis dentur claves regni caelorum ?

Alens. 4. p. q. 39. et 80. D. Ttaom. 2. 2. q. 39. a. 3. et 4. et hic q. 1. a. i. D. Bonav. p. 1. a. 1. et 2. Ricnard. a. 1. et 2. Saar. tom. i. d. 16. s. 3. Castro de just. haer. punit. cap. 21. Navar. sum. cap. 9.

Juxta hoc, scilicet circa distin- ctionem XIX. quaeritur: Utrum cuilibet Sacerdoti in susceptione Ordinis Sacerdotalis dentur claves Sacerdotii ? Arguitur quod non. Apoc. 3. dicitur de Christo, claudit et nemo aperit, aperit et nemo claudit; igitur solus Christus habet potestatem, et per consequens nullus Sacerdos.

Item Augustinus contra Donatistas lib 5. c. 21. in littera, a peccato non absolvit nisi columba, vel membrum columbae; per columbam intelligit Christum; igitur nullus potest peccatum dimittere, nisi Christus, vel membrum Christi. Soli justi sunt membra ejus; igitur illis solis dantur claves, et nullo modo malis, quia non sunt membra Christi innocentis; igitur ipsi nec possunt ligare, vel excommunicare, et hujusmodi, nec aliquem absolvere. Ordinem autem Sacerdotii possunt indifferenter recipere justi et injusti, membra columbae, et nocentes; igitur in illo Ordine non confertur potestas clavium.

Item, una clavis hujus potestatis dicitur clavis scientiae; sed Sacerdos ante susceptionem Ordinis sacerdotii insciens, post susceptionem ejus non invenit se sapientem et ingeniosum, vel habitum scientiae vel sapientiae augmentatum; quod necessario contingeret, si tunc daretur clavis scientiae, quia impossibile est nos habere habitus nobilissimos intellectuales, et quod lateant nos, 2. Posteri orum in fine.

Idem, nullus potest solvere aliquem, vel ligare, nisi sit suus subditus, quia sententia a non suo Judice lata, nulla est, extra de judiciis, ac si clerici, extr. de offic. Sed nullus Sacerdos ex vi Ordinis, aut Sacerdotii habet subditum, alias quilibet posset absolvere non solum suum subditum, sed quemlibet, quia ex vi Sacramenti non magis datur sibi ille subditus quam alius; igitur in tali ordinatione non conferuntur illae claves.

Item, si tantum dantur eis claves in Ordine Sacerdotali, tunc nullus non ordinatus in Sacerdotem posset uti istis clavibus, quod manifeste est falsum, quia Archidiaconus potest ligare et solvere, excludere, excommunicare, et renovare in Ecclesia militante, ut habetur in multis Canonibus.

Contra, Matth. 16. dicit Dominus Petro, et in eo omnibus Sacerdo tibus: Dabo tibi claves regni caelo rum, promittendo sibi potestatem clavium quam sibi, et in eo omnibus Sacerdotibus actu dedit, Joan. 20. Quorum remiseritis peccata, etc.

Item, cui datur potestas super corpus Christi verum, datur et potestas super corpus Christi mysticum, quia potestas ad actum consecrationis corporis Christi veri, est maxima inter omnes, quae aliquando datae sunt homini, et cui datur majus, verisimile est quod ei detur minus. Sed omni ordinato in Sacerdotem regulariter datur potestas conficiendi corpus Christi verum; igitur et regulariter datur ei potestas ligandi et solvendi super corpus Christi mysticum.