QUAESTIO I.

Utrum poena Canonica excludat a collatione et receptione Ordinum.

D. Thom. 1. 2. quaest. 100. art. 6. Richard. hic art. 2. quaest. 3. et 4. D. Bonavent. art. 2. Suar. tom. 5. disp. 11. sect. 3. et disp. 22. sed. 2. ubi de excommunicatione, et disp. 33. sect. 3. de interdicto, et disp. 31. de eo qui in censura Ordines suscepit. Late Sairus de cens uris.

Circa distinctionem vigesimam quintam de collatione Ordinum quaero: Utrum excommunicatio, vel irregularitas, vel quaecumque poena Canonica excludat simpliciter a collatione, vel susceptione Ordinum?

Arguitur quod non, quia Sacerdos irregularis vere conficit corpus Christi. Similiter Episcopus irregularis vere confert Ordines sacros, quia aliquis ab eo ordinatus non est reordinandus; ergo poena Canonica non excludit ab actu sacramentalis, vel eminenti gradu in Ecclesia.

Item, irregularis non excluditur a perceptione aliquorum sacramentorum, quae si percipiat, vere percipit. Nam irregularis intendens communicare, vel confiteri, si communicet, vel confiteatur, vere illa sacramenta percipit; ergo a simili si aliquis irregularis conferat, vel suscipiat Ordines, vere factum est, quod facit.

Item, haeresis magis excludit a communione Ecclesiae, quam alia poena Canonica, quia poena talis non datur nisi iis qui sunt in Ecclesia. Sed haeresis non excludit a susceptione Ordinum, quia haeretici possunt Ordines conferre, sicut et baptizare, sicut habetur d. 1. quoest. 1. Quod quidem, ubi de hoc habetur longum capitulum. et est Augustini libr. 2. contra Parmenian. et ponitur in littera distinctione ista, cap. 20.

Contra, prima, quaest, prima: Si quis a Simoniacis, dicit Canon: Qui scienter se consecrari, imo execrari permiserint, eorum consecrationem omnino irritam decernimus; ergo, etc.

Item, quod Ecclesia potest dare, hoc potest et auferre. Sed Ecclesia potest conferre gradus diversae dignitatis in Ecclesia; ergo illos potest ad tempus auferre, quantum ad usum et executionem illorum: ergo.

Item, Ecclesia simpliciter excludit aliquas personas a matrimonio contrahendo, et facit eas illegitimas ad contrahendum simpliciter, et sine culpa earum. Probatur de se, ut in his, qui sunt citra quartum gradum consanguinitatis, vel affinitatis; ergo multo fortius potest Ecclesia propter culpam juste infligere aliquam poenam coercentem a collatione et susceptione Ordinum.