QUAESTIO UNICA.

Utrum matrimonium fuerit immediate institutum a Deo ?

D. Thom. in supplem. quoest. 2. art. 2. et hic quaest. 2. art. 2. D. Bonavent. art. 1. quaest. 1. Ricbard. art. 1. quaest. 3. Durand. quoest. 3 . Palud. quoest. 3. Bellam. lib. 3. de Matr. cap. 2. et 2. Sanch. lib 2. de matrim. disp. 4. et 9. Coccius tom. 2. lib. 9. art. 1. Patres infra citandi.

Circa distinctionem vigesimam sextam, in qua agit Magister de Matrimonio: Quaero utrum matrimonium fuerit immediate institutum a Deo ? Arguitur quod non. Gen. 2. dicitur: Dixit Adam, hoc os ex ossibus meis, et caro de carne mea; propter hanc autem relinquet homo patrem et matrem, et adhoerebit uxori suoe, et erunt duo in carne una; ubi dicit glossa quod tunc fuit institutum sacramentum matrimonii; et Matth. 19. dicit Dominus, non legistis, quia qui fecit homines ab initio, masculum et foeminam fecit eos, et dixit, propter hanc relinquet homo patrem et matrem, et adhaerebit uxori suoe; igitur matrimonium non instituit Deus immediate, sed Adam, Item, circa id quod immediate a Deo instituitur, nulla debet fieri immutatio per hominem; sed per hominem multa et varia fit immutatio circa matrimonium; ergo. Major probatur, quia inferior non potest revocare legem et institutionem Superioris. Minor probatur, quia Ecclesia aliquas personas reddit simpliciter ineptas et illegitimas ad contrahendum; patet de affinibus et consanguineis, et hoc varie, quia a principio ordinavit Ecclesia tales, et non posse contrahere infra septimum gradum, postea, si essent infra quintum gradum; separat etiam aliquas prius conjunctas; patet in multis casibus.

Contra, Christus dixit in Evangelio Matth. 19. ubi prius: Quos Deus conjunxit, homo non separet, et ibidem Deus dixit: Propter hanc quidem relinquet homo patrem et matrem, et adhoerebit uxori suoe; igitur matrimonium fuit a Deo immediate institutum.