DISTINCTIO XXXV.

De impedimento adulterii.

QU7USTIO UNICA.

Ltrum adulterium commissum cum aliqua conjugata, machinando in mortem viri sui, impediat matrimonium cum eadem post mortem viri sui ?

D. Thom. hic q. unic. Rich. a. 3. q. 3. et 4.

Gabriel q. unic. Major q. 2. Palnd. d . 31. q. 1.

Sot. d. 37. q. unic. art. 4. Sanch. lib. 7. de matrim. disp. 79.

Videtur quod non, patet 2. Reg. 11. de David, qui machinatus est in mortem Uriae propter uxorem ejus. Bethsabae, cum qua adulteratus est, et quam etiam post mortem ejus accepit in uxorem; igitur adulterium, quod praecessit, non impedivit matrimonium postea contractum.

Item, Augustinus libro de nuptiis et concupiscentia, et habetur dist. 31. q. 1. Relatum est, dicit quod mortuo eo, cum quo fuerat verum connubium, cum ea cum qua proecessit adulterium, potest fieri conjugium; et post: Posse fieri licitas nuptias ex personis illicite conjunctis honesto placito, id est, consensu conjugali subsequente, manifestum est.

Contra, dist. 31. q. 1. cap. 1. Null us ducat, dicit Leo Papa: Nullus ducat in matrimonium quam prius polluit per adulterium vivente marito.

Item, ibidem, cap. Relatum, dicit Dominus Papa in Concilio Tiburicen. Relatum est auribus sanctorum Sacerdotum, quemdam alterius uxorem stupro violasse, et insuper juramentum moechae et adulterae dedisse, quod post legitimi viri mortem, si superviveret, duceret eam uxorem, quod factum est, tale igitur connubium prohibemus et anathematizamus; igitur.