QUAESTIO UNICA. Utrum affinitas impediat matrimonium?

D. Thom. in addit q. 55. art. 1. et hic q. i art. 6. D. Bonav. art. 1. q . 3. Richard. art. 2. q. 1. Durand. q. 1. Palud. q. 1. Sot. q. un. Sanch. l. 7. de matrim. d. 64. et tribus sequent.

Quod non, quia quod sequitur matrimonium, ut effectus ejus, . non videtur impedire ipsum, quia effectus non impedit causam efficientem. Sed affinitas sequitur matrimonium, ut efficiens ejus, quia contrahitur ex parte alterius conjugis, et ad parentes illius; igitur. Item, si affinitas impediret matrimonium, universaliter dissolveret matrimonium jam contractum; consequens est falsum, nam incestuosus faciens incestum, et cognoscens uxoris suae sororem, non est separandus ab uxore, quam jam habet matrimonialiter sibi conjunctam.

Contra, distinct. 35. q. 3. de propinA quis, aequaliter vir conjungitur in matrimonio eis, quae sibi consanguineae sunt, et uxoris suae consanguineis post mortem uxoris suae; ergo sicut consanguinitas, ita affinitas videtur matrimonium impedire; sed constat quod con sanguinitas impedit; igitur et affinitas.