QUAESTIO II.

Utrum ignis infernalis puniat damnatos.

D. Thom, in addit. q. 57. a. 1. et 4. d. 50. q. 2. art. 3. D. Bonav. hic 2. p. a. 3. q. 2. Rich. art. 2. q. 6. et 9. Durand. q. 10. Gabr. quaest. 3. Vasq. l. a . 2. p. d. 243. Scot. in Theor. sig. Omnes agens est praestantius.

Utrum ignis infernalis puniat spiritus damnatos, ut animas, vel Angelos malos?Videtur quod non. Augustinus 12. super Genesim, c. 29. Agens praestantius est patiente; sed nullo modo praestantius est corpus spiritu, imo perspicuo modo est spiritus praestantior corpore; igitur nullo modo potest talis ignis, cum sit quoddam corpus, spiritus cruciare.

Et ibidem: Quibus animae corporibus exutae afficiuntur bene vel male, non corpora, sed corporibus similia sunt, vere tamen spiritus laetitiae vel molestiae disponuntur.

Item omne agens agit per contractum, maxime corporeum, 1. de Generatione, text. 43. et 7. Physicorum, text. 8. et 9. Sed corpus non potest tangere spiritum, quia illa tangunt se, quorum ultima sunt simul, 5. Physicorum, spiritus autem non habet ultimum, sicut nec primum, vel medium: igitur impossibile est spiritum separatum a corpore cruciari.

Item, secundum Philosophum 1-

Generat, cap. de facere et pati, text. 51. agens universaliter intendit sibi assimilare passum; sed ignis corporeus non potest sibi assimilare spiritum separatum in forma sua; igitur non potest spiritus ab ipso pati. Minor patet, quia spiritus non est receptivus formae corporalis.

Contra, Salvator dicit Matth. 25. spiritibus malignis et Angelis damnandis: Ite maledicti in ignem aeternum, qui paratus est diabolo et Angelis ejus. Item, Gregorius 4. Dialog cap. 30. ante medium: Si diabolus ejusque Angeli, cum sint incorporei, corporeo sunt igne cruciandi, quid mirum si animae etiam antequam resumant corpora, possint corporalia sentire tormenta? Item, ibidem parum ante: Si viventisho minis incorporeus spiritus tenetur in corpore, cur non post mortem, cum tunc in corpore sit spiritus, et tormento corporeo tenetur.