QUAESTIO VI.

Utrum ad essentiam beatitudinis pertineat gaudium de ipsa beatitudine adepta.

D. Thom 1. 2. q. 4. art. 2. Rich. art. 3. quaest. 6. Durand. quaest, i. Vasq. i. 2. d. 11.cap. 6.

Quaero consequenter de conconutante beatitudinem: Utrum ad essentiam beatitudinis pertineat gaudium de ipsa beatitudine adepta ? Videtur quod sic, quia secundum Augustinum 10. Confessionum circa medium, gaudium de te erit beata vita, etc.

Item, de essentia hujus beatitudinis est ultimata quietatio; sed gaudium est quaedam quies; ergo, etc.

Item, beatitudo est bonum ultimum; sed delectatio est tale bonum, quia alia quaerimus propter declarationem, ipsam autem delectationem quaerimus propter se: gaudium autem est delectatio; igitur, etc.

Item, beatitudo essentialiter ultimo modo perfectissime unit; sed hoc non potest aliqua potentia, nisi operando, et mediante operatione circa ipsum bonum, et per consequens delectando; hujusmodi est gaudere; igitur, etc.

Contra, Philosophus primo de Anima text. 64. Nihil aliud est dicere animam gaudere, vel tristari, quam texere vel oedificare, quia hujusmodi passiones non sunt in anima: igitur, etc.

Item, nihil est de essentia beatitudinis, nisi quod pertinet ad potentias, et ad operationes illius; sed delectatio vel gaudium non sunt operationes vel passiones advenientes et consequentes: g itur, etc.