QUAESTIO VII.

Utrum natura humana sit inferior natura, quae est capax beatitudinis ?

Gabriel hic quaest, 1. art. 3. dub. 2. Rassol. q. 5. a. 1. et 2. Nyphns2. Metaph. d. 3. cap. 6. Vasquez 1. 2. d. 20. cap. 6. Vide Scot. 5. Metaph. quaest. 1.

Videtur quod non, quia anima humana est, magis infima natura, quam natura humana, quae est ex corpore et anima; igitur natura humana non est infima natura capax beatitudinis.

Item, gradus diversi sunt attingendo finem ultimum; sed hoc non est nisi quia sunt diversi gradus in natura; igitur, etc.

Item, aliae naturae inferiores ultimate quietantur: ergo ultimo beatificantur, et sic natura humana non erit infima in capacitate beatitudinis.

Item, Deus est primum efficiens omnium; sed primo efficienti correspondet ultimus finis: igitur Deus est finis immediatus omnium, et per consequens omnis natura erit aeque capax beatitudinis, et sic natura humana non erit infima natura capax beatitudinis.

Contra, Augustinus 14. de Tri nit. cap. 28. eo capax est beatitudinis, inquantum est imago Dei; ima go non est in natura inferiorum.

Item, inferiores quam natura humana non operantur nisi per potentias organicas; non autem potest esse potentia organica capax beatitudinis, quia talis potentia non est circa objectum immateriale; sed anima rationalis potest esse circa objectum immateriale, et sic est natura infima, quae possit esse capax beatitudinis.