559

λγ. Μή πίων οἶνον, μή χορτασθῇς ὕδατος· εἰ δέ μήγε, τήν αὐτήν ὕλην τῇ πορνείᾳ παρέχεις.

λδ´. Ἡ ὑπερηφανία τῆς θείας ἀφίστασιαι ποιεῖ βοηθείας, ἐφ᾿ ἑαυτῷ πεποιθέναι, καί τῶν ἀνθρώπων κατεπαίρεσθαι.

λε´. Φάρμακα κατά τῆς ὑπερηφανίας δύο πρόκεινται πράγματα· ἅπερ ὁ μή καταδεχόμενος, τρίτον ἕξει σφόδρα δριμύτατον.

λστ´. Ὑπερηφανίαν ἀναιρεῖ προσευχή μετά δακρύων, καί τό μηδένα ἐξουθενεῖν, καί ἀκούσιοι ἐπιφοραί.

λζ´.Ῥάβδος ἐστίν νοητή, ἡ διά πειρασμῶν παίδευσις, ταπεινοφρονεῖν ἐκδιδάσκουσα τόν ἐν ἀφροσύνῃ ἐπαιρόμενον.

λη´. Ἴδιον ἔργον τοῦ νοῦ, τό μή ἀνέχεσθαι λογισμοῦ λάθρα καταλαλοῦντος κατά τοῦ πλησίον.

λθ´. Ὥσπερ ὁ κηπουρός, μή ἀπαίρων τάς βοτάνας, ἀποπνίγει τά λάχανα· οὕτως καί ὁ νοῦς μή καθαίρων τούς λογισμούς, ἀπόλλυσι τούς πόνους.

μ´. Συνετός ἀνήρ, ὁ συμβουλῆς ἀνεχόμενος, καί μάλιστα τοῦ πνευματικοῦ πατρός κατά Θεόν συμβουλεύοντος.

μα´. Νενεκρωμένος ὑπό παθῶν, συμβουλῆς οὐκ αἰσθάνεται, καί τῆς παιδεύσεως πνευματικῆς τό σύνολον οὐκ ἀνέχεται.

μβ´. Ὁ μή δεχόμενος συμβουλήν, οὐ κατορθοῖ τάς ὁδούς αὐτοῦ, ἀλλά κατά κρημνῶν ἀεί καί φαράγγων φέρεται.

μγ´. 1464) Μοναχός ἐστιν, νοῦς ὁ τῇ αἰσθήσει ἀποταξάμενος, καί λογισμόν ἡδονῆς μηδέ ἰδεῖν ἀνεχόμενος.

μδ´. Ἰατρός ἐστι νοῦς ὁ ἑαυτόν ἰσασάμενος, καί ἐξ ὧν ἰάθη τούς ἄλλους ἰώμενος. με´. Ζήτησον τήν ἀρετήν, καί μή ζωμιωθῇς αὐτήν, ἵνα μή καί ζήσῃς αἰσχρῶς, καί

ἀποθάνῃς ἐλεεινῶς. μστ´. Ὁ Κύριος ἡμῶν Ἰησοῦς Χριστός πᾶσι τό φῶς ἐχαρίσατο, ἀλλ᾿ οἱ μή πειθόμενοι

αὐτῷ, ἑαυτούς σκοτίζουσιν. μζ´. Μή μικρόν εἶναι νόμιζε τήν τῆς ἀρετῆς ζημίαν· διά ταύτην γάρ θάνατος εἰς τόν

κόσμον εἰσῆλθεν. μη´. Ἐντολῆς ὑπακοή, νεκρῶν ἐστιν ἀνάστασις. Τῇ γάρ ἀρετῇ κατά τήν φύσιν

ἐπακολουθεῖ ἡ ζωή. μθ´. Νεκρωθέντος τοῦ νοῦ τῇ τῆς ἐντολῆς παραβάσει, ἐπηκολούθει ἐξ ἀνάγκης καί ὁ

τοῦ σώματος θάνατος. ν´. Ὥσπερ ὁ Ἀδάμ παραβάς, θανάτῳ ὑπέπεσεν, οὕτως ὁ Σωτήρ ὑπακούσας, τόν

θάνατον ἐνέκρωσεν. να´. Νέκρωσον τήν κακίαν, ἵνα νεκρός μή ἀναστῇς, καί ἐκ μικροῦ θανάτου εἰς μέγαν

μεταβῇς. νβ´. ∆ιά τήν τοῦ Ἀδάμ παράβασιν ὁ Σωτήρ ἐνηνθρώπησεν, ἵνα τό κατά μικρόν λύσας

τούς πάντας ἐξαναστήσῃ. νγ´. Ἐκ ζωῆς εἰς ζωήν ἐκεῖνος μεταβαίνει, ὁ τά πάθη νεκρώσας, καί τῆς ἀγνοίας

χωρισθείς. νδ´. Ἐρεύνησον τάς Γραφάς, καί εὑρίσκεις τάς ἐντολάς, καί τά λεγόμενα ποίησον,

καί τῶν παθῶν ἀπαλάττῃ. νε´. Ὑπακοή ἐντολῆς, ψυχῆς ποιεῖ κάθαρσιν, ἡ δέ τῆς ψυχῆς κάθαρσις, φωτός ποιεῖ

μέθεξιν.