574

καίτοιγε τοῦ Ἀποστόλου λέγοντος· Οὐ γάρ ἐν λόγῳ ἡ βασιλεία τοῦ Θεοῦ, ἀλλ᾿ ἐν δυνάμει, καί ἀληθείᾳ. Οὕτως δέ παρ᾿ αὐτῷ Σευήρῳ κράτιστος θεολόγος γνωρίζεται, ὡσάν τάς κατηγορίας Ἀριστοτέλους, καί τά λοιπά τῶν ἔξω φιλοσόφων κομψά ἠσκημένος τυγχάνῃ· ἀναγκαῖον ἡμᾶς τά σημαινόμενα ἑκάστης λέξεως, τῶν εἰς τά πρός αὐτόν Σευῆρον λεγόμενα χρειωδῶς λαμβανομένων, ἐπί καιροῦ σαφηνίσαι, κατά τόν νοῦν τῶν ἐκκλησιαστικῶν διδασκάλων, καθ᾿ ὅν ταῦτα ἐξειλήφασιν· ἵνα ἔχοιεν οἱ ἐντυγχάνοντες τοῖς ὑπογεγραμμένοις λόγοις, ἐκ πρώτης ἐντεύξεως νοεῖν τῶν λεγομένων τήν δύναμιν, καί μή διά τήν ἄγνοιαν τοῦ σημαινομένου τῶν λέξεων, πρός τήν κατάληψιν τῶν ἐν αὐτοῖς θεωρημάτων παραποδίζωνται.