Thomas Aquinas, In III Sententiarum – In Libros Sententiarum

Sicut enim fides est in eo qui non operatur bene, ita et dilectio qua deus diligitur: quia etiam peccatores et infideles deum diligunt. Sed fides quae est sine operibus, est informis. Ergo similiter caritas.

Argumentum 2

Praeterea, nullus scit se habere gratiam.

Potest autem aliquis scire se habere dilectionem.

Ergo dilectio dei potest esse sine gratia; et ita potest esse informis.

Argumentum 3

Praeterea, ex fide oriuntur timor et amor.

Sed timor potest esse informis, ut patet de timore servili. Ergo et amor.

Sed Contra 1

Sed contra, spiritus sanctus non potest esse sine gratia. Sed caritas dei diffunditur in cordibus nostris per spiritum sanctum; Rom. 5. Ergo caritas non potest esse informis.

Sed Contra 2

Praeterea, forma non potest esse informis. Sed caritas est forma omnium aliarum virtutum. Ergo ipsa non potest esse informis.