ACTA APOSTOLICAE SEDIS

C O M M E N T A R I U M O F F I C I A L E

Directio: Palazzo Apostolico - Città del Vaticano - Administratio: Libreria Editrice Vaticana

ACTA FRANCISCI PP.

LITTERAE APOSTOLICAE

Venerabilibus Servis Dei Antonio Faúndez López, presbytero ex Ordine Fratrum Minorum, et III Sociis, martyribus, Beatorum honores decernuntur.

FRANCISCUS PP.

Ad perpetuam rei memoriam. - « Et ego claritatem, quam dedisti mihi, dedi illis, ut sint unum, sicut nos unum sumus » ( Io 17, 22).

Martyrii gratia a primordiis quidem Fratrum Minorum vitam operamque

est comitata. Idem Seraphicus Pater, sanctus Franciscus Assisiensis, qui in

corpore suo stigmata Domini passionis ferebat, Christi Crucifixi sequelam

tamquam securam vitae formam indicavit. Eius verum martyrii desiderium

corona et praemium factum est plurimis filiis eius, qui, inde a sanctis Proto-

martyribus Ordinis Fratrum Minorum anno MCCXX occisis usque ad nostrum

tempus, propriam fidem in Christum et Ecclesiam profiteri non dubitarunt.

Etiam persecutione religiosa saeviente in Hispania anno MCMXXXVI Fratres

Minores atque sodales Tertii Ordinis Saecularis Sancti Francisci, conspicien-

tes in Eum qui in crucem elevatus est, supremum amoris testimonium erga

Eum proprio sanguine scribere non recusarunt. Inter eos annumerandi sunt

duo fratres ex Provincia Carthaginensi in Hispania necnon duo presbyte-

ri dioecesani ad Tertium Ordinem Saecularem Sancti Francisci pertinen-

tes. Instante persecutione, ipsi coacti sunt suos conventus aut paroecias

relinquere ut apud familiares et benefactores confugerent. At milites eos

comprehenderunt variis in circumstantiis et inter iniurias et passiones eos

necaverunt in odium catholicae fìdei inter menses Septembrem et Novem-

brem anni MCMXXXVI. Hi martyres sunt:

An. et vol. CIX 3 Februarii 2017 N. 2