2. De sancto Achatio.

In 1. Vesperis.

Antiphonae.

1. Gaude, felix Alexandria,

Quae es stipata floribus,

Cum Christo in gloria

Fulcita es martyribus.

2. Martyrum sanguine

Sanata ab inguine,

Christi tuta munimine

Tunc hostes nocent minime.

3. In caelesti gloria

Acbatii memoria

Semper requiescit,

Cuius inter homines

Laus nunquam decrescit.

4. Laudabilis Dominus,

Cum quo regnat Achatius

In caelestibus,

Ubi vox laetitiae

Sanctis nunquam desinet,

Et maeror tristitiae

Ultra non imminet.

5. In caelis meruerunt

Lumen gloriosum,

Qui in terris fuderunt

Sanguinem pretiosum.

Ad Magnificat.

A. O dulcis sanguis martyrum,

O mitis turba mititum,

Quae pie propter Dominum

Fudit cruorem nimium.

Pro his oret Achatius

Suis cum consortibus,

Qui eius sollemnia

Celebrant in gloria.

Ad Matutinum.

Invitatorum.

Regi, qui fecit opera,

Christo confiteantur,

Cuius in sancto vulnera

Achatio renovantur.

In 1. Nocturno.

Antiphonae.

1. In consilio impiorum

Sancti non steterunt,

Sed in via iustorum

Vitam invenerunt,

In qua Achatius

Vivit vir beatus.

2. Sancti adstiterunt,

Ad Deum clamaverunt,

In nos, Christe, dicentes,

Quare fremuerunt gentes?

3. Vindica sanctorum

Sanguinem tuorum,

Nam sunt cruciati

Et eorum hostes,

Domine, multiplicati.

Responsoria.

1. Sanctus martyr Achatius

Suis cum sodalibus

Regnum introivit,

In quo cum martyribus

Et cum sanctis omnibus

Semper Deo vivit.

V. Omnibus haec vox dicitur:

Venite, sancti Dei,

Dum cor eorum quatitur,

Ad regnum patris mei.

2. Martyrum ductor respuere

Iussit momentanea mundi,

Dicens: nolite admittere,

Ne nos seducant,

blandimenta saeculi.

V. Ecce adpropinquat

regnum caelorum,

Surgite, adorate.

3. Achati; cum sociis

Implora preces ad Dominum,

Ut nos salvet a morte

Et ad vitam ducat,

Ut tecum gaudere

Possimus in saecula.

V. ''Ora pro nobis, beate Achati,

ut digni efficiamur gloria

Christi.''

In 2. Nocturno.

Antiphonae.

1. Thura non offerimus,

Sed Christo sacrificium

Immaculatum,

Qui in sinu patris

Dominus inhabitat.

2. Christus? veritatem

Nec non?pietatem

Sanctis conservavit,

Malum venumdavit.

3. Tunc?sancti martyres

Quasi uno ore

Fundentes preces ad Dominum

Dixerunt omnes pariter:

Omnis creatura

Est Domini et terra.

Responsoria.

1. Venite, revertamur

Ad Dominum, qui nos salvabit,

Percutiet nos martyrio,

Salvabit

Nos misericordia.

V. ''Magnus Dominus et lauda-

bilis nimis, qui coronavit

martyres sanctos.''

2. ''Quare rubrum est indumentum

tuum et vestimenta?jkua?sicut

calcantium in torculari?

''Torcular calcavi

Cum consortibus.

V. O vos omnes, qui transitis,

Propter Christi tormenta

Oportet tormentis sequi.

In 3. Nocturno.

Antiphonae.

1. In cithara Deo psallite

Et in cymbalis concinite,

Sancti, in Domino et iusti

Exsultate.

2. Iuxta es, Domine,

Tribulatis corde,

Ore et opere

Benedicentur.

3. Gaudete et laetamini,

Quia orationes nostrae

Coram Christo,

rege immortali,

Veraciter exauditae sunt,

Qui est nostrum refugium,

Deus noster.

Responsoria.

1. Christi ad imaginem

Sancti fuderunt sanguinem

Unanimiter,

Quos ad regnum caelorum

Et ad sanctorum chorum

Vexit Dominus hilariter.

V. Hos ensis non terruit

Nec hostis, dum irruit

In eos graviter.

2. Flores apparuerunt,

Dum sancti transierunt

De hoc mundo ad sidera,

Ubi regnant in gloria;

Quibus respondit Dominus,

Dum peteret Achatius:

V. Quae petistis, dilectissimi mei,

'' scitote vos impetrasse.

''3. Si quaeris miracula,

Mors, error, calamitas,

Daemon, lepra fugiunt,

Aegri surgunt sani,

Cedunt mare, vincula,

Membra resque perditas

Petunt et accipiunt

Juvenes et cani ;

V. Pereunt pericula,

Cessat et necessitas,

Narrent hi, qui sentiunt,

Et Alexandria.

In Laudibus.

Antiphonae.

1. Sanctis cum martyribus

Martyr Dei Achatius

Ad regna transmeavit,

In quibus ante saecula

Dominus regnavit.

2. Quorum sanguis innoxius

Cum in contritione

Fusus est alacrius

In exsultatione,

Deum laudant avidius

Cum iubilatione.

3. Ad te sanctorum animae

Sitiunt non minime,

Quorum dux Achatius

Pro te est in cruce passus,

Et te, rex regum, Domine,

Non tacent benedicere.

4. Sancti et electi,

Qui estis transvecti

Ad caeli superna,

Deum benedicite,

Cuius in caeli culmine

Achatius est verna.

5. Deum laudant omnia,

Caelum, terra, maria,

Qui duxit ad caelestia

Sanctos suos in gloria.

Ad Benedictus.

A. O pauperum subsidium,

O exsuram refugium,

Qui mortem crucis subisti

Martyrque factus es Christi,

Ad te tui pauperes

Clamamus et exsules:

Nos stantes in exsilio

Commenda Dei filio.

In 2. Vesperis.

Ad Magnificat.

A. O martyr invictissime,

O princeps insignissime,

Tuis cum consortibus

Illis sis propitius,

Qui te in exsilio

Implorant pro auxilio ;

Achati, Deo care,

Pro nobis deprecare.