85. In Translatione s. Matthaei.

In 1. Vesperis.
Antiphonae.

1. Matthaeus voce Domini
Lucrum spernens thelonei,
Indis verbo et opere,
Salerni fulsit corpore.
2. Indis ablatus caelitus,
Lucanis degens finibus,
Quandam monebat vetulam,
Quam gravis sopor presserat:
3. Hortare, mater, filium,
Totis accingi nisibus,
Fragmenta nostri corporis
Tectis requirat loculis.
4. Mercibus ante reus

Christo clamante Mattbaens,
His recubo terris,

spinis contectus et herbis.
5. Verba tunc matris
monachus benigne
Captat et ferrum

manibus retentans
Ad locum pergit
sibi destinatum,
Vellere sentes.

Ad Magnificat.

A. Displicitis Indis,

contemptis inde Britannis,
Nunc rutilat nobis

illorum ductus ab oris.

Ad Processionem.
Antiphona.

Noster m aeternum,

Matthaee, tuere Salernum,
Ac stabuli famulos

protege sede tuos;
Te dederas nobis

variis translatus ab oris,
Semper ut hic habites,

nos tibi fac habiles.

A d Vigilias.
Antiphonae.

1. Comperto sacro

fragmine corporis
Cunctanti matri

nuntiat impiger,
Tollat nunc, mater,
pectore quod pio
Mandaras nato
quaerere concite.
2. Fama benigne redolens
Salerni complet moenia,
Cives ocius advolant,
Sanctas vehunt reliquias.
3. Vino redundans vasculum
Prius ostensum aridum
Evangelistae merito
Haustum cunctis exhibuit.

Responsoria.

1. Alma dies mundum

bis senis purpurat horis,
Per quas eicitur
noctis caligo profunda,

V. Alma dies Deus est.

fulget Matthaeus in horis.

2. Te geminatus apex

praebet, Matthaee, colen-
dum,
Nobis invicti

per quem patet actio Christi ;

V. Egregius tutor,

tua festa colentibus adsis.