1. De sancto Achatio.

In 1. Vesperis.
Antiphonae.

1. Adsunt festa gloriosa
beatorum martyrum,
Qui sub Adriano passi
palmae ferunt bravium.

2. Adrianus, rex profanus,
adscitis sex regibus
Turbam sacram subnervare
suis temptat legibus.

3, Leo frendens, rete tendens,
diis cervicem flectere
Iubet sanctos, sed incassum
litus arat vomere.

4. Hostias laudis litamus,
inquiunt, altissimo,
Deos vanos refutamus
cum ritu nequissimo.

Ad Magnificat.

A. Gaude, virgo mater ecclesia,

regis iuncta filio,
Quae tot natos laureatos

de huius mundi exsilio
Repraesentas pacifici

Salomonis celso solio,
Quorum festum sacrae

passionis

colimus cum gaudio
Defensari cupientes

horum pio patrocinio.

Ad Matutinum.

Imitatorium.

Adoremus Dominum

crucifixum vere,
Pro quo dena milia

crucem subiere.

In 1. Nocturno.

Antiphonae.

1. Viri beatissimi

pestilentis Caesaris

Non perstant in semitis

aut parent consiliis.

2. Frementis insania
Machinans inania

Contra Christi martyres
Sex adscivit proceres.

3. Sacra turba martyrum
Ferre diis libamina
Artatur, recalcitrat,
Iesum Christum invocat.

4. Gloriantur martyres
in te, Iesu bone,
Quos coronas dulciter
missa passione,

5. Iesu Christe, tuum nomen
laudat admirabile
Candidatus grex sanctorum
pro te fuso sanguine.

6. Stupendis magnaliis
phalangem sanctorum
Mirificans extulit
princeps angelorum.

Eesponsoria.

1. Adspirante rabie
persecutionis
Sub diro carnifice
Adriano calicem
bibunt passionis
V. Sancto dena milia
Martyrum sanctorum
Pro Christi confessione.
2. Applicatur regio
Tribunali legio
Sancta Dei,
Negare compellitur
Sacramenta fidei,
V. Sed nec terrore concutitur
Nec blandimento seducitur.

3. Pro salute mundi natus
Deus est ex virgine
Et in cruce victimatus,
Quem ignoras, perfide
V. Gaesar, non obtemperamus
Tibi, sed hunc adoramus.
4. Iussu regis crucifixi
sunt beati martyres,
Omnes poenas perferentes,

quas rex caeli passus est,
Ipsa hora elementa
tremuerunt omnia,
V. Caelum, tellus, sol et luna
et polorum sidera.

In 2. Nocturno.
Antiphonae.

1. Haec est generatio

Dominum quaerentium
Et pro Christi gloria
sese impendentium.

2. Honor et laudatio

decet sanctos martyres,

Laus et exsultatio
purpuratos milites.

3. Benedicunt Dominum
sancti, qui victoriam
Contulit per passionem
et supernam gloriam.
4. Factus est refugium
in cruce pendentibus
Sanctis Christus et trames
caelos ascendentibus.
5. Citharizant dulciter
harmoniam melicam
In supernis atriis

inter turbam caelicam.
6. Sanguis fusus martyrum
clamat ad te, Domine,
Qui pro te effusus est
in arborum stipite.

Responsoria.

1. Vidit ante thronum Dei
quasi mare vitreum
Iohannes, supra quod stabat

ingens turba martyrum
Cristallinis buccinantes
tubis agni canticum.
V. Adoraverunt viventem
in saecula saeculorum
Mittentes coronas suas
ante Dei thronum.
2. O quam glorifico

fulserunt sidere sancti
Isti, qui Christi

meruerunt esse ministri,
V. Per diram poenam

patriam tenduntadamoenam.
3. Tunsionibus, pressuris
sacra dena milia
Velut lapides politi

per crucis supplicia
Poli transierunt
ad aedificia.
V. O caelestes margaritae,
Per mortem crucis politae,
Post ruinam passionis
Dati palmis et coronis.

4. Gaude, caelum, terra, plaude,
Chorus speciali laude
Martyrum purpuratorum
Regem laudet saeculorum
De augmento sociorum
Martyrum pretiosorum,
Quos hodie Christus vocavit
Et in caelis coronavit.
V. O benigna

legio sanctorum,
Nos commenda

regi angelorum.

In 3. Nocturno.
Ad Cantica.

A. Laetis canamus mentibus
Tot paradisi rosis,
Plus balsamo fraglantius,

Plus auro speciosis,
Qui meruerunt vincere

Mundum crucis agone
Christoque mortem reddere
Conformi passione.

Responsoria.

1. Dum libarent calicem
fellis et aceti,
Transfiguntur lanceis

in agone laeti,
Repraesentant animas
aeternae quieti.
V. ''Venientes venient cum exsul-
tatione portantes manipulos
suos.
''2. Distenduntur in cruce,
dissolvuntur venae,
Cedunt vires vividae,
temporales poenae
Sunt respectu gloriae
perpetis amoenae.
V. ''A planta pedis usque ad ver-
ticem non est in eis sanitas,
vulnus et livor et plagae tu-
mentes.
''3. Illibatas facies
vitiorum luto

Caedunt, velant, inquinant

hostes Dei sputo,
Spinae serto capita

cruentant acuto.
V. ''Infirmata est in paupertate
virtus eorum, et omnia ossa
eorum conturbata sunt.
''4. Avete, flores martyrum,

Phalanx electissima,
Pretiosorum militum

Cohors splendidissima,
Ante thronum trinitatis
Agnum stantes adoratis

Cum palmis victricibus.
V. ''Nos tantae vestrae felicitatis
facite participes.''

In Laudibus.
Antiphonae.

1. Dominus rex martyres
induit decorem,
Qui suum pro Domino
fuderunt cruorem.

2. Iubilet altissimo

circulus monarchiae
Tot micanti sidere
perfusus hac die.

3. Adhaeserunt martyres
post te, Iesu bone,
Consummati propter te
crucis passione.
4. Benedicant Domino
omnes creaturae,
Quae compassae fuerant
martyrum torturae.

5. Laudes canant Domino
regi saeculorum
Cum turbis angelicis
organa sanctorum.

Ad Benedictus.

A. Benedictus es, Domine,
Qui transtulisti hodie
Candidatum exercitum
Ad caeleste palatium

Coronatum mirifice,
Quorum precibus, rex pie,
Nostra dele piacula
Et da lucis gaudia.

In 2. Vesperis.
Ad Magnificat.
A. O benedicti martyres,
Estote nostri memores,

Vestra crux, vestra vulnera
Sint contra nostra scelera
Tutamen ac remedium ;
Caeleste beneficium,
Quod impetrastis a Deo,
Procuret homini reo
Solamen, opem, veniam
Et post hoc exsilium
Tranquillitatis patriam.