75. De sancto Claudio.

In 1. Vesperis.

Antiphonae.

1. Gaude, Sion, ornata tympano,
Decor tuus coniunctus galbano,
Lauda illum chordis et organo,
Sponsa cuius venit de Libano.

2. Gaude, sedes Bisuntina,
Iure frequentans gaudia,
In te fuit episcopus
Claudius, vir sanctissimus.

3. Hic est ille praesul verus,
Cuius corde plebs et clerus
Debet festum celebrare
Et iuvamen implorare.

4. Gloriose praesul Christi,
O Claudi sanctissime,
Duc nos tecum, quo ivisti
Post Christum, piissime
Intercessor, ne labamur,
A te semper protegamur.

5. O Claudi, praesul Christi,
Tua prece fac nos sisti
Summi regis ante thronum,
Ex quo prodit omne bonum.

R. Vallem mundi tam profundi
Munda transit orbita

Pes Claudii, ne confundi
Possit virtus inclita,

Nil immundi cordis mundi
Reperitur semita.

V. Cum olivae ramo redit
Ad arcam in vespere,
Non invenit, unde venit,
Quo possit quiescere.

Ad Magnificat.

A. Magnificat

anima Dominum,
Quam sigillo

signavit luminum,
Quam propriam

cruore proprio
Sibi fecit

crucis ludibrio,
Quam viventem

ornavit gloria,
Quae post mortem

vivit in patria.

Ad Matutinum.
Invitatorium.

Adoremus regem regum
Implorantes gratiam,

Qui transvexit supra mundum
Claudium in gloriam.

In 1. Nocturno.
Antiphonae.
1. Beatus vir impiis
se non sociavit,
Quem, quia cum stantibus
stare recusavit,

Pestis pestilentiae
non incathedravit.

2. Quare fremunt

hostes in ostium,
A quo pendent

tot arma fortium,
Quod non timet

impulsus hostium.

3. Exaudi nos, Domine,

protector eorum,
Qui te colunt, praedicant,

cor et corpus quorum
Confitentur opere

te Deum deorum.

Responsoria.

1. Primus iaspis lapidum

in Claudii fabrica
Fabricae subponitur,

ut fides catholica
Per augmentum operis

regna tangat caelica;
V. Designatur

fides in iaspide,
Prior omni

ponendus lapide.

2. Secundus in fabrica
saphyrus erigitur,
Coloris aerei,

per quem spes innuitur,
Per quam a terrigeno
caelum adipiscitur,
V. Claudii spes elevatur

Ad habendum, quod speratur.

3. Opus sancti fabricatum

consummat carbunculus,
Qui est virtus caritatis,

qua sic Christi famulus
Ardens lucet, quod hanc lucem

omnis stupet oculus ;
V. In ardore caritatis

Ut iubar aethereum
Pluit verbum veritatis

Populo vas aureum.

In 2. Nocturno.
Antiphonae.
1. Cum invocat, exauditur
Claadius a Domino,
Cuius voces exaudire

non differt in crastino,
Qui fideli Deo fidem
servat sine termino.
2. Verba supplicantium
auribus percipias,
Qui linguas infantium

ad laudandum expias,
Ora te laudantium
ad laudes aperias.
3. Domine rex,

quam admirabilis,
Cuncta moves

manens immobilis,
In nos labens
in te non labilis.

Responsoria.

1. In tribus catholicis

virtus circulatur,
Quattuor politicis

circulus quadratur,
Ut a septenario

nunquam moveatur,
V. Sic septem virtutibus

Claudius ornatur,
Sic ornatus spiritu

septeno firmatur.
2. Latere non poterat

Virtutum lucerna,
Quae succensa fuerat

A luce superna,
Clamat gestus hominis,
Quod sub ala numinis

Lateant interna ;
V. Ne cum Dina corrumpantur

Sichimorum macula,
Sensus omnes castigantur

Disciplinae ferula.

3. Cor Claudii purpuratur,
Dum cruoris memoratur
Christi morientis,

Candet byssus castitatis,
Rubet coccus caritatis

Aaron vestimentis ;
V. Iacynthus intexitur

tamquam verus testis,
Quod Claudias civis sit

patriae caelestis.

In 3. Nocturno.

Antiphonae.

1. Domine, qui in tuo
vivunt tabernaculo,
Eis es in requie,

eis in umbraculo,
Tu eos inebrias
voluptatis poculo.

2. Domine, in virtute

tua vir laetatur,
Qui, dum adhuc viveret,

in te laetabatur,
Cui mundi laetitia

nihil videbatur.
3. Domini sunt omnia

caelum, terra, mare,
Qui cuncta de nihilo

potuit creare,
Qui dissona consonis

voluit ligare.

Responsovia.

1. Plebis pondus sustinet

super humerali,
Iuste iudex iudicat

vi rationali,
Talum tangit poderis

opere finali ;
V. Ornant frontem lamina

signum puritatis,
Sonant tintinabula

verbum veritatis.
2. Non est nostrae paupertatis
Nec humanae facultatis

Referre miracula,
Quibus virtus deitatis,
Testis sancti sanctitatis,

Illustravit saecula;

V. Mors et morbus admirantur,
Quod sic signa dominantur.
3. Ad te, locum gratiarum,
Gratae mentis non ignarum,
Iesu bone, lacrimarum
Revertuntur flumina,
Quibus tibi supplicamus,
Ut viventes sic vivamus,
Quod post vitam teneamus
Tecum caeli culmina ;
V. Tu Claudii precibus
A tuorum mentibus
Sua tergas crimina.

In Laudibus.
Antiphonae.

1. Christi iugum

Claudius teneris
Adulescens

portavit humeris,
Virtutibus

se iungens superis,
Minorat se

tamen prae ceteris.
2. A convalle lacrimarum

ad caeli fastigium
Ponit gradus, gratiarum

implorans auxilium,
Huius vitae ne viarum

declinet in invium.
3. Iste pastor

dignus memoria,
Virga cuius

fugatur bestia,
Vita cuius

occidit vitia,
Finis cuius

finit in gloria.
4. Quanti sanctus sit nominis,

Mortui testantur,
Qui utriusque hominis

Morte tenebantur,
Nam Claudii meritis

Multi suscitantur.

5. Ad laudandum caeli regem
Cohortemur nostrum gregem,

Clament cordis gemitus,
Te bonorum creatorem,
Te donorum largitorem

Laudet omnis spiritus.

Ad Benedictus.
A. Benedictus oriens

Dator verae lucis,
Qui pro nobis moriens

Cruciatu crucis
Caecis lumen attulit,

Baculum caducis.
O rex regni gloriae,
Qui Claudium hodie

Ad regnum reducis,
Fac nos eius precibus
Tam votis, quam vocibus

Sic tibi placere,

Ut datum pauperibus

Regnum in caelestibus

Possimus habere.

In 2. Vesperis.
Ad Magnificat.

A. Suum suscepit puerum

Memor misericordiae
Pater post verba verberum,

Sicut ad patres patriac
Praedixerat, sic hodie
Transfert ad thronum gloriae

Suorum patrem pauperum,
Quem sicut venam veniae

Rogamus, ut in posterum
Simus ei memoriae.

Ergo, pastor o benigne, plebi prece subveni,
Ut vivamus vita functi cum beatis civibus,
Det felices nos futuros Christus, qui gaudebimus
Super pacem tuam.

AdminBookmark

R. Sub nodis cilicii
Corpus expers vitii
Domat vir beatus,
Viget in vigiliis,
Pinguescit ieiuniis
Iugis cruciatus,
V. Se sui carnificem

Ante summum iudicem
Offert maceratos.

AdminBookmark

E. Sublimatus in pastorem
Urbis Bisuntinae,
Onus gerens, non honorem,

Ut Cherubim gloriae
Plus ignescit in saporem
Gustus sapientiae;
V. Maior factus ex minore
Minor manet in maiore.

AdminBookmark

O Claudi, praesul Christi,
Tua prece fac nos sisti
Summi regis ante thronum,
Ex quo prodit omne bonum,

AdminBookmark