27. De sancta Anna.

In 1. Vesperis.
Ad Magnificat.

A. Tu virtutum

es viridarium,
Gratiarum

sacrum sacrarium,
Forma vitae,

morum florarium,
Aula solis,

mannae cellarium.

Ad Matutinum.
Invitatorum.

Adsunt sanctissixnae

Annae natalia,
Coetus laetissime

Pangunt sollemnia.

In 1. Nocturno.
Antiphonae.

1. Tu rogus es aromatum,
Quo surgit fami virgula,

Septeno mundi climatum
Odoris vitae baiula.
2. Dei summi filio

Sponsam peperisti,
In cuius conubio
Regnum acquisisti.
3. Te factoris aviam

An matrem dicamus ?
Sed utramque gloriam
Digne tibi damus.

Responsoria.

1. Flos candoris,

gemma munditiae,

Carbo lucis,

virtus fragrantiae,

Mater matris
factoris filiae,
Reginae gloriae,
V. Nepotem mitiga

Nostris defectibus,

Proli nos colliga
Cordis affectibus.

2. Matutini

claustrum es sideris,
Nubes solis,

praeventrix muneris,
Excitatrix

torpentis aeris,

Industrix aetheris;
V. Stella maris

ex te resplenduit,
Quae ducatum

marinis tribuit.
3. Iubar offers

mundi caligini,
Caliganti

lucem das homini,
Das reginam

caelorum agmini,

Amictum lumini ;
V. In te veri

lanterna luminis
In ducatum

defertur hominis.

In 2. Nocturno.
Antiphonae.

1. Tu es rosae plantatio

In Iericho campestribus,
De qua rosae floritio

Nostris vernat aspectibus.
2. Mater matris

solis iustitiae,
Nobis lucis,

hosti tristitiae,
Caelo dedit

diem laetitiae.

3. O felix, cuius uterum

Tam felix fructus imbuit,
Per quem fructum mortiferum
Homo gustatum exspuit.

Responsoria.

1. Tu aurora
diei gratiae
Cum Diana
beati luminis

Praevenisti

solem iustitiae,
Solem lucis

fax gratitudinis ;
V. In te dies

nostrae laetitiae
Unit suae

vim pulchritudinis.

2. Tu vallis, ex qua lilium
Iucunditatis germinat,
Quod omnis pestis vitium
Odoins vi disterminat;
V. Germinasti

sacris visceribus
Dei matrem,

solem hominibus.
3. Annae pressae maeroribus
Caelestis ait nuntius:
Tuis sacris visceribus

Stirpem promitto praescius,
Ex ipsa lumen gentibus
Dei nascetur filius ;
V. Felix, ex qua

mundi lux oritur,
In qua Dei

thronus exsculpitur.

In 3. Nocturno.

Antiphonae.

1. Fons amoenitatis,

Anna, et dulcedinis,
Solem claritatis
Fide paris luminis.

2. Parit flos munditiae
Fructum castitatis,
Rivus castimoniae
Flumen pietatis.

3. Tu Sion, qua ponitur
Templum conditoris,
Quo reis suspenditur
Lex mortis, timoris.

Responsoria.

1. De te sumit

Dei progenies,

Mundi virtus,

patris effigies,
Candor lucis,

aetcma species,

Solaris facies,
V. Matrem nostro fastigio,
Sponsam caeli palatio.
2. Tu es lucis

novae diluculum,
In te mortis

umbra confringitur,
Dei matris

dulce cenaculum,
In te vertex

sanctorum alitur;
V. Tu aurora,

quam sol subsequitur,
Sol, quo sponsus

Deus ingreditur.
3. Ros, flos, gemma,

Stella, sol gratiae,
Orbis vita,

sphaera stellifera,
Tu stellarum

virtutum serie
Caelos ornas,

illustras aetbera,
V. Gratiarum

immensa specie
Omnis levas

maeroris vulnera.

In Laudibus.
Antiphonae.

1. O beata sterilitas,

De qua dolor concipitur,
Es quo prolis fecunditas
Orbato mundo panditur.

2. In sacris visceribus
Sidus concepisti,
Cuius in splendoribus
Nobis illuxisti.

3. Salomonis solium

Es totum auratum,
Per beatum filium
Matri praeparatum.

4. Per te duplex gloria
Nobis est exorta,
Filius et filia,
Lux et lucis porta.

5. Diu tellus languit

Nube cumulata,

Flore divo floruit

Nube dissipata.

Ad Benedictus.

A. Tu es flumen

fiscellam deferens,
Quae latorem

legis circumferens,
Defensorem

oppressis afferens,
Hosti celat,

propinquis offerens.

In 2. Vesperis.
Ad Magnificat.

Sara pulchritudinis,

Anna pietatis,
Rebecca dulcedinis,

Rachel venustatis
Transfers vi propaginis

Ius sterilitatis,
Paris domum numinis,

Templum maiestatis.