99. De sancto Victorino.

In 1. Vesperis.
Ad Magnificat.
A. O lux infidelium
In tenebris errantium
Praedicator gratiae,
Doctor veritatis ;

Tu et verbi gladio
Et praeclaro martyrio
Aquam sapientiae
Propinasti gratis.
O quantis insigniis,
O quam nimis prodigiis

Merita dant gaudia
Tua, jnbar clarum;
Tot bellis expositis,
Pater, succurre miseris,
Miseratus taediis
Ovium tuarum.

Ad Matutinum.

Invitatorium.

Laudemus in exsilio
Praesentis incolatus

Christum, quem in incendio
Fatetur hic beatus.

In 1. Nocturno.

Antiphonae.

1. Sanctus lumen deperditum
Dans caeco oculorum,
Turbam traxit gentilium
A cultu idolorum.
2. Per hujus sancti merita
De profundis aquarum
Ad portum navem obrutam
Perducit jubar claram.
3. Hujus flent fratres pignora,
Qui tulerint, ignari
Corvus . . . perdita
Reponit in altari.

Responsoria.

1. Plaude surgens, Assissium,
In laudem conditoris,
Mentis expone jubilum,

Sit laus cordis et oris,
Concinentis praeconium
Novae legis latoris,
V. Quo pulso cultu daemonum
Devicit vitae nubilum
Superni lux splendoris.
2. Ex illustri prosapia
Progenitorum natus,
Ab ipsa pueritia
Caelestia sectatus,

Manum misit ad fortia
Victorinus beatus,
V. Mundi, carnis fallacia

Vel daemonis versutia
Non est inlaqueatus.

3. Dum Christum lucrifacere
Victorinus intendit,
Et, quam sit dulce tollere

Jugum ejus, attendit,
In Dei fervens opere
Terrena vilipendit ;
V. Quem corde, ore, opere
Caelestibus intendere,
Superna lux accendit.

In 2. Nocturno.
Antiphonae.

1. Victorinus, vir inclitus,
Vigore fervens spiritus,

Dum cultus idoloram
Persequitur gentilium
Christumque docet omnium

Factorem saeculorum.

2. Coepit sub Dagno praeside
Assisinates visere,

Donet ut terrenorum
Flos seminum labilium

In fructus aeternorum.
3. Salve nostra salus,

spes, Victorine, bonorum
Congeries, pater alme, tuis

in fine laborum
Sis via, dux, vector,

statues in parte piorum.

Responsoria.

1. Dum sanctus inter verbera
Constans exsistit perfera

Saevientis lictoris,
Contracta rigans arida
Motu privatur impia
Mox manus percussoris ;
V. O quanti Dei dextera
Adstantum terret pectora
Prodigio stuporis !

2. Dum recto laxat famine
Vir sanctus linguam pueri

Speleis h ic in oris,
Uno concurrunt agmine
Gentiles, quibus superi
Lucem praebet splendoris,
V. Dum puro frui lumine
Per hunc dat caeco veteri
Superni virtus roris.
8. Inter procellas obrutam
Navem jam prorsus viduam

Regimine nautarum
Hujus sancti suffragio
Ad portum ducit subito
Jubar refulgens claram ;
V. Nautas clamantes: propera,
Victorine, nos libera
De profundis aquarum.

In 8. Nocturno.
Antiphcmae.

1. Hic in errorum nubilo
Nutritos insolenter
Divinae lucis radio
Illuminat clementer.

2. Et Dei primum effera

Gens effugit splendorem,
Quem post excelsi dextera
Pristinum mutat morem.
3. Talentum datum caelitus
Fidelis dispensator
Multiplicavit fervidus,
Divini verbi sator.

Responsoria.

1. Exsurgat plebs fidelium

In martyrum praeconia,
Laetetur cor credentium

Victorini victoria,
Cujus excelsum meritum

Tot depromunt insignia ;
V. Hujus, felix Assisium,

Ovans cole sollemnia,
Per quem te jussit nubilum

Supernae lucis gaudia.

2. Carnis luxu

devicto penitus
Intus comptum

fervore spiritus
Ignis aestus

injecti concitus
Victorinum

conservat caelitus ;
V. Quem interna lux incendit,
Foris ignis non accendit.

In Laudibus.
Antiphonae.

1. Victorinum Dominus
induit decorem,
Per quem nobis fidei
tribuit splendorem.
2. Lauda, Sion, Dominum,
lauda salvatorem,
Quem te tuum docuit
martyr redemptorem.
3. Christe, tuos filios
fac post te venire,
Quem hic solum docuit
martyr nos sitire.
4. Christo benedicite,
omnia creata,
Per quem servat martyrem
fornax inflammata.
5. In hymnis et canticis
Christum collaudate
Ignis in incendio
quem martyr fatetur.

Ad Benedictus.

A. O virtutum insigniis
Coruscans et prodigiis,
Praesul et martyr inclite,
Precantum vota suscipe
De valle lacrimarum ;
Clemens succurre miseris,
Quibus erroris veteris
De tenebris nos eruens
Et verum lumen influens
Sidus fulsisti clarum.

In 2. Vesperis.

Ad Magnificat.

A. De caelis fulgor claruit,
In terris lux apparuit,

Qua vetus error vatrait
Et nova lex praevaluit;
Victorinus, vir inclitus,
Ad nos missus divinitus,
Nostras tenebras funditus
Luit vir apostolicus.