82. De sancto Cyrillo.

In 1. Vesperis.

Ad Magnificat.

A. Gloriosum lumen,

Temporibus defluxis velatum,

Nunc clare rutilasti,
Cum annoso stillari
Vaticinii inchoantem

Adepto fine desiccasti,
Sancte pater Cyrille, Carme-

lita,
Festivitas tua in hac vita,

Per quam prophetasti,
Devote nos promat ita,
Ut mens nostra virtute polita,

Velut tu radiasti.

Ad Matutinum.
Invitatorium.

Laeta voce, corde toto
Laudemus Dominum

Et pro Cyrillo hoc devoto
Gloriemur in Domino.

In 1. Nocturno.
Antiphonae.
1. Beatus

iste vir Cyrillus,
Consilio

praelatorum consignatus,
Humilis

quamvis et tantillus,
Virginis

Dei fuit advocatus.

2. Doctores quidam fremuerunt
Inania meditantes,
De Dei genetrice contulerunt
Puritati suae derogantes.
3. Sanctus pater Carmelita

Multos sensit adversantes,
Quos confudit ita,

Ut Deum exstent collau-
dantes.

Respoasoria.

1. In festivitate hac novella
Cordis intimo reseretur cella,
Laudes laetas compromamus
Cyrillo sancto, quem amamus,
Et meritis eius gloriemur,
Ut in caelis praemiemur.

V. Dominus Deus praeamandus
Ducat nos per vias rectas,
Quas Cyrillus venerandus
A vitiis gressus est perfectas.

2. Vir miro vigens ingenio,
Laureatus signo doctorali,
Fratrum vitam pro suo modulo
Contemplatus oculo mentali,
Fraternitati eorum petiit adu-
nari,

V. Habitum salutiferum
sincerius cupiebat,
A prophetis traditum
devotus induebat.

8. In Carmeli monticulo
Penes Eliae rivulum
Vir magnae sanctitatis
Fratrum vixit consortio
Tenue tenens edulium
Temporalibus abdicatis,
V. In monte fructifero
Roratae ubertatis,
In loco florigero
Clarae amoenitatis.

In 2. Nocturno.
An tiplicmae.
1. Pater sanctus invocavit
Deum in oratorio
Et, quidquid voluit, impetravit
In sui cordis oraculo.
2. Mane in missa Deus astabat
Sancto Cyrillo peroranti,
Malignum spiritum effugabat
Annulo bono radianti.
3. O quam admirabile

Opus Deus demonstravit,
Futurum inevitabile
Ecclesiae revelavit.

Responsoria.

1. Cyrillus, vir religiosus,
A mundo resiliens
Ac Deo religatus,
Totus exstat virtuosus,
Ad montana prosiliens,
Carmelita professatus ;
V. Paupertatis documenta
Ut perfecte teneamus
Et buius mundi blandimenta,
Oret, ut vitamus.
2. In Carmeli montis alveario
Mel sugit apis caelica,
Dum in sui cordis armario

Sonant cantus angelici
Corporali in effigie evocati,
V. Ob meritum patris tanti

Mentem nostram dulcorent
Et pro gratia spiritus sancti
Nobis implorent.
3. Digne Deus designavit
Locum prophetarum,
Quem Cyrillo destinavit,

Amico suo caro,
Ut prophetam adfirmaret,
Qui nutum Dei praedicaret,
V. Per manus angelicas
Eum visitavit,
Et tabulas argenteas
Scriptas praesentavit.

In 3. Nocturno.
Antiphonae.

1. Vitam ducens innocentem
Carmeli montem habitavit,
Spiritum Deo oboediencem
Ad caeli culmen translegavit.
2. Coronam pretiosam presbyterii
In capite eius posuisti,
Dum sacrum ministerii
Confessorem eum elegisti.
3. Doctrina eius salutifera

Domini terra exstat plena,
Dum verba eius et opera
Aedificant corda serena.

Responsoria.

1. Is stella praeradiaiis

In ordinem paupertatis,
Orbem episcopatu illustrans

Moribus conformatis,
Signis et miraculis

Veridice coruscavit,
Ut fide dignorum oraculis

Romana sedes adprobavit;
V. Aegra corpora recreavit

Spiritus Dei dono,
Infecta corda emundavit

Decoratus . . .

2. Vergente mundi vespere

Deus vatem praesentavit,
Cui in missarum opere

Sua secreta revelavit,
Quorum plurima prospere

Ecclesiam designavit,
V. In praesenti saeculo

Mala quae nos premunt,
Sancti Cyrilli oraculo

Praedicta sunt et erunt.

3. Pater sancte Cyrille,
Presbyter Carmeli,

Nos pluries quam mille
Duc ad aram caeli,

Per tua sancta merita

Dele nostra debita

Et ordinis nostri catervam

Dei perfice gratia.
V. Nobis assit decor Carmeli,

Matris non desit gloria caeli.

In Laudibus.
Antiphonae.

1. Decorem Carmeli

Sanctus Cyrillus induit,
Dum fortitudine Dei caeli
Amictus claruit.

2. Servitute laeta

Domino servivit
Cyrillus, dum propheta
Solum Deum concupivit.
3. Sanctus pater diluculo
Ad Deum festinavit
Et sui cordis oculo
Devote rogavit.

4. In opere deifico

Deus benedicitur,
Quod Cyrillo presbytero
Angelice describitur.

5. Spiritus spirtualiter
Spiritum revelavit
Cyrillus Dei Domini
Dum futura prophetavit.

Ad Benedictus.

A. Decor detur huic Carmeli
Cyrillo sancto et fideli,
Qui deiferam gloriosam
Ahimata macula

Praeclare defensavit,
Ex effectu cordis zeli
Et favore puri veli

Sui ordinis in patronam
A sede apostolica

Prae cunctis impetravit.

In 2. Vesperis.

Ad Magnificat.

A. Cyrille, eremita,
Arachmicola [sic !]
Tua sancta docet vita,
Te heredem fore caeli,
Nam terris delectaris
Angelicis colloquiis,
Es a Deo sociatus
Divinis eloquiis.