39. De beato Arnulphi) Villariensi.

In 1. V esperis.

Antiphonae.

1. (celebretur hodie

Arnulphi sollemnitas,

Quem suscepit sempiterna

Caelorum amoenitas.

2. Hic fertur fuisse natus
Christi sanctus famulus
In Bruxella ac probatus,
Dum esset iuvenculus.

3. Cumque foret vernans flore
Hic adulescentiae
Suae, perfusus est rore
Dei sapientiae.

4. Hic Arnulphus, vir beatus,
Relictis parentibus
Suis recessit, ornatus
Decenter virtutibus
Et Villari conversatus
Est in bonis actibus.
Ad Magnificat.
A. Magnificat nunc anima
Mea Deum pro gloria
Arnulphi, qui caelestia
Penetravit gaudia,
In quo Iesum cum Maria,
Virgine et matre sua
Contemplatur cum gloria.

Ad Matutinum.
Imitatorium.

Iubilemus et plaudamus
Domino in harmonia,

Qui Arnulphum exaltavit
hodie in gloria.

In Laudibus.
Ad Benedictus.
A. Benedictus sit Dominus,
Deus pater et filius

Atque sanctus paraclitus,
Qui regnat in caelestibus,
Per quem hodie Arnulphus
Est iunctus caeli civibus,
In quo pro suis precibus
Nos salvet Dei filius.

In 2. Vesperis.

Ad Magnificat.

A. Magnificat altissimum
Anima mea Dominum.
Creaturarum omnium
Creatorem potissimum,
Qui nos per suum filium,
Redemptorem dulcissimum,
Redemit et paraclitum,
Consolatorem optimum,
Misit, ut nostrum gaudium
Esset atque solatium,
Qui etiam hunc famulum
Suum suscepit Arnulphum
De hoc mundo in gaudium
Hodie regni caelorum.