80. De ss. Cosma et Damiano.

In 1. Vesperis.
Antiphonae.

1. Haec ad laudem summi regis
exsultet ecclesia
Cosmae atque Damiani
colendo sollemnia.
2. Exorti sunt uno die
illustri progenie,
Uno quoque sunt renati
sacrato baptismate.
3. Sese namque mancipantes
in praeceptis Domini
Toto nisu respuerunt
blandimenta saeculi.
4. Adflictique per diversa
tormentorum genera
Meruerunt gloriosi
vehi super aethera.
5. Terrea linquentes

excelsaque regna petentes
Vivunt in Christo
superna luce fruendo.

Ad Magnificat.

A. Cosmam atque Damianum
veneremur martyres,
Qui virtute meritorum
micuerunt celebres

Et praesentis vitae pompas

respuendo noxias
Gloriantur et exsultant

in caelesti patria.

A d Matutinum.
Invitatorum.

Adoremus venerantes
regem regum Dominum,

In quo refulget corona
gloriosa martyrum.

In 1. Nocturno.
Antiphonae.

1. In Aegea civitate
orti prole nobiles
Cosmas atque Damianus
exstiterunt proceres.
2. Hos uno ortu geminos
felix mater edidit,
Adultos quos studiis
literarum tradidit.
3. Docti vero dominicis
exemplis et apice
Ad arcem summae virtutis
meruerunt scandere.

Responsoria.

1. Gloriosa celebrantes
martyrum sollemnia
Cosmae atque Damiani

recolamus merita,
Quibus carne resoluti
petierunt aethera,
V. Angelica quoque saepti
turma lucidissima.

2. Hi medicinalis artis

periti industria
Hominibus iumentisque

dabant refrigeria,
V. Imitantes quidem regis

aeterni vestigia.

3. Cumque sancti memorati

pollerent virtutibus,

Toto corde praeoptabant

coniungi martyribus,

V. Ut cum Christo fruerentur

gaudiis caelestibus.

In 2. Nocturno.

Antipionae.

1. Vigebat quidem in illis
virtus parsimoniae,
Quamvis adhuc fruerentur
annis pueritiae.

2. Transcendentes servi Dei
iura puerilia
Toto corde sequebantur
sanctitatis opera.

3. Erant namque castitatis
pollentes virtutibus
Veracesque in sermone,
bonis compti moribus.

Responsoria.

1. Sanctos Dei cohortando
Lysias sacrilegus
Iubet, ut vanis parerent
idolorum cultibus
V. Relictisque summi regis
sacris visionibus.

2. Contemnentes sancti fratres
praesidis imperium,
Firma petra solidati
superant eculeum,
V. Inde grates Deo caeli
pura mente referunt.
3. Exsuperant ignes

sancti flammasque voraces,
Praeside prostrato

pia dant iubilamina Christo,
V. Sic quoque falsorum

spernunt simulacra deorum.

In 3. Nocturno.
Antiphonae.

1. Sistentes ergo devoti
divinis officiis
Sancti fratres se intimis
domabant ieiuniis.
2. Gaudii vitae praeseutis
calcata lascivia
Gestabant super adflictos
pietatis viscera.
3. Supernae largitionis
iam repleti gratia
Distribuebant infirmis
multa beneficia.

Responsoria.

1. In mare merguntur

Cosmas sacer et Damianus,
Angelicis manibus

gaudentes inde trahuntur,
V. Hinc referunt laudes

regi Christo iubilantes.
2. Athletae Domini

crucis, en, suspendia passi
Et lapidum noxas

contemnunt atque sagittas,
V. Vincunt carnifices

prosternunt atque lictores
Et reddunt animas

Iesu Christo pretiosas.
3. O medici fortes,

caelesti luce fruentes,

Mentibus infirmis

medicamen fundite nostris,
V. Ut per vae mundi,

per vos quoque viribus aucti
Constanter vitam
mereamur adire supernam.

In Laudibus.
Antiphonae.

1. Gloria sublimis

sit Christo lausque perennis,
In quo vir sanctus

Cosmas nitet et Damianus,

2. Bi Domino teneris

gemini placuere sub annis
Fulgentes rutilis

meritis velut orbita solis.
3. Sanant aegrotos,

pellunt medicamine morbos,
Lumen dant caecis,

succurrunt daemone fessis.

4. Illorum meritis

homo, quem deceperat an-
guis,
Fit mox incolumis,

gaudet plebs inde fidelis.

5. Laudes sanctorum

pangamus, Christe, tuorum,
Pro quorum precibus
surrexit de nece functus.

Ad Benedictus.

A. Inclite Cosma, vale,

salveque, sacer Damiane,
In quibus enituit

laurea martyrii,
Sumite nostrarum,

petimus, iubilamina laudum
Et nobis medicam

ferte salutis opem.

In 2. Vesperis.
Ad Magnificat.

A. Iam sacer aetberea

Cosmas refulget in aula
Exsultans Domino

cum fratre suo Damiano,
Hinc quoque dulcimodas

illorum psallimus odas,
De quorum meritis

terrae congaudeat orbis.